Una alimentación sostenible, con productos locals, sabrosos y de temporada, tien un gran impacto tanto en a calidat de vida y a salut d’as personas, como en as ciudatz.

Zaragoza ye una ciudat rica en tierras de cultivo. Una agrópolis, que conta con 12.000 hectarias productivas de regadío, d’el qual sabemos que con solament 6000, podríanos alimentar a toda a ciudat con vechetals y hortalicias de temporada, frescos y de proximidat.

As politicas urbanisticas, a industrialización y a falta de relevo cheneracional han feito cayer en picau a superficie dedicada a la huerta, por ixo Zaragoza en Común entendemos que o dreito a l’alimentación y a la salut, pasa por un nuevo modelo territorial y agroalimentario sostenible, accesible, que cree emplego y que incluiga l’enfoque agroecológico, beneficioso en multitut d’aspectos: millora de l’acceso a l’alimentación, tiene en cuenta a perspectiva entre o campo y a ciudat, incorpora a perspectiva social, economica y de preservación d’o sulero y leva con ell a interacción de diferents actors socials.

Emparamos a sobiranía alimentaria y abogamos por a recuperación d’a huerta de Zaragoza y l’abastecimiento d’a ciudat con productos de cercanía ecolochicos, fomentando a suya comercialización en botigas de vico, mercaus municipals, restaurantes, etc.

En ista linia, somos treballando activament pa que Zaragoza torne a minchar d’a suya huerta, empentando istas iniciativas:

  • Ret de Ciudatz por l’Agroecolochía, en el qual Zaragoza tiene un papel muit relevant como ciudat promotora, pa promover a cooperación entre ciudatz, l’intercambio de conoixencias, experiencias y recursos, y a visibilización d’as politicas alimentarias d’enfoque sostenible.

  • Ret d’Hortals Agroecológicas pa fortalecer o treballo que dende l’antiguidat realizoron os hortelanos d’a ciudat. En l’actualidat la constituyen 27 productors y productoras ecolochicos, seis d’os quals ya yeran antes d’encetar o prochecto y 21 d’ells (8 mullers y 13 hombres) han surtiu d’a Escuela Agricola KM0 y han enchegau ueito prochectos d’agricultura ecolochica pa comercializar en a ciudat.

  • En octubre de 2015, Zaragoza suscribió o Pacto de Politica Alimentaria Urbana de Milán, un alcuerdo auspiciado por a Organización d’as Nacions Unidas pa l’Alimentación y l’Agricultura que ya han suscrito mas de 100 ciudatz de totz. O pacto aboga por que as ciudatz empenten sistemas alimentarios sostenibles, inclusivos, seguranzas y diversificaus, que aseguren minchada sana y accesible a toda a población. En ista linia, o Concello pretende recuperar o espacio agricola pa o cultivo de fruitas y hortalicias, chenerando emplego verde, proporcionando a la ciudat productos frescos y de calidat, a la vez que disminuye a huella de carbono asociada a os kilómetros que en l’actualidat recorren os alimentos dica plegar a o consumidor.

  • Concello y DGA han suscrito un alcuerdo por el qual a DGA atorga a o Concello de Zaragoza a concesión pa l’uso de dos parcelas destinadas a o prochecto Hortals Kilómetro 0. As 13 hectarias de tierra obchecto d’ista cesión permiten ampliar a superficie productiva de beluns d’os agricultors que ya han encetau a suya actividat profesional, asinas como a encorporación d’atros nuevos.

  • Dende 2016, a Muestra Agroecológica que se celebra cada semana s’ha tresladau a l’entorno d’a fuent d’a Hispanidat (plaza d’o Pilar), de traza que con ista nueva ubicación s’han puesto doblar o numero de puestos de venda de productos agroecológicos (de 20 que permitiba o reglamento a os 40 actuals). Con a nueva ubicación se pretenden chenerar sinergias comercials con o Mercau Central y o suyo entorno, pa atrayer un mayor numero de consumidors de productos frescos y de calidat.
  • Hemos aprebau la marca Hortal de Zaragoza, un distintivo que permite identificar con facilidat productors, botigas u restaurantes que ofreixcan iste tipo de productos ecolochicos y de proximidat, pa distinguir, dar visibilidat y promocionar as produccions hortofrutícolas de Zaragoza, dando respuesta no solament a os obchectivos d’o prochecto Hortals LIFE km 0, sino valorando tamién o treballo d’os horticultores tradicionals.
  • Empento a os mercaus municipals. O Mercau Central y os mercaus de vico cumplen papel fundamental como plataforma de comercialización y distribución de l’hortal de Zaragoza y d’o producto agroecológico, Os propios agricultors y agricultoras son os que venden o producto, ofrindo información de primera man a o consumidor. Dende octubre de 2016, o Ret d’Hortals Agroecológicas tiene un puesto de productos ecolochicos de l’hortal en o Mercau de Valdespartera
  • En colaboración con Horeca, a Federación d’Interpresarios d’Hostelería de Zaragoza, s’ha prencipiau un reparto de muestras de variedatz tradicionals cautivadas en l’hortal zaragozana pa que se puedan saboriar en diferents restaurantes d’a ciudat, con a finalidat que as y os expiertos en hostelería las procesen y degusten, asinas como as personas que vaigan a minchar a os suyos establimientos.
  • Hemos enchegau o proceso pa amillorar notablement a calidat de l’alimentación en os minchadors d’as 12 escuelas infantils municipals: a o menos tres días a la semana se servirá en o menú, como minimo, un plato de producto con certificau ecolochico, primando a proximidat, ye dicir, a distancia entre o puesto de producción y o de consumo con a finalidat de reducir a huella de carbono. Al menos un 50% d’os platos alimenticios ecolochicos habrán d’incorporar verduras, hortalicias y/u fruitas producidas en Centros Especials d’Emplego y Interpresas d’Inserción de Zaragoza u por parte de productors d’o ‘Ret d’Hortals Agroecológicas de Zaragoza’, totz ells acreditados pa producir y comercializar alimentos ecolochicos.
  • O porcentaje total de productos hortofrutícolas frescos (verduras, hortalicias y fruitas), producius en proximidat será a o menos d’o 15% a lo largo de l’anyo, expresaus en porcentaje d’o peso total suministrado a lo largo de l’anyo.
  • Empentamos actividatz de concienciación y educación medioambiental pa conoixer l’entorno de Zaragoza.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies