Zaragoza en Común refusa a decisión tomada iste maitin por o Consello de Ministros d’o Gubierno d’o Partiu Popular y emparada por PSOE, Ciudadans y a propia Monarquía, pa aplicar l’articlo 155 d’a Constitución que destituye de facto a o gubierno de la Generalitat y suspende l’autonomía de Cataluña.
Maribel Martínez, portavoz de Zaragoza en Común, qualifica de “golpe a la democracia” a decisión d’o Gubierno de Rajoy. L’aplicación d’o 155 suposa de facto “suspender l’autonomía, intervenir as institucions catalanas y asignar dende o gubierno d’Espanya o dreito a imposar una calendata electoral ye un grieu ataque a os dreitos y libertatz d’o pueblo catalán que tendrá un efecto boomerang y nos conducirá a politicas regresivas en a resta d’o estau”, “eixemplo d’ixo son as alarmants declaracions d’o Delegau de Gubierno en Castilla-La Mancha, pedindo l’aplicación d’o 155 a o gubierno autonomico d’ista comunidat”, ha afirmau Martínez.
Pa Maribel Martínez, o gubierno d’o PP “ha desoído os llamamientos a o dialogo tanto d’organismos y institucions estatals y internacionals, como d’a propia sociedat civil y ha optado por romper as vías de comunicación” con o gubierno de la Generalitat y o Parlamento Catalán esleius democraticament.
Carlos López, co-portavoz de ZeC, declara que “a decisión d’o gubierno de Rajoy emparada por PSOE, Ciudadans y avalada por a propia Monarquía, evidencia dica qué punto nos trobamos debant d’una crisi estructural d’o rechimen d’o 78 en o suyo fase mas reaccionaria”.
Dende Zaragoza en Común seguiremos emparando un escenario de dialogo como a sola solución politica posible, pa reforzar a democracia y guarenciar o dreito de decidir d’o lugar catalán por medio d’un referéndum con todas as guarencias. “Clamamos a todas as fuerzas progresistas con representación en o Senado a no emparar a involución democratica que suposa aplicar o 155” ha concluiu López.
