Emparamos a campanya encetada por o Ret Augua Publica d’Aragón contra l’Impuesto de Contaminación de l’Augua, que dara comienzo manyana chueves 26 d’octubre a las 19 horas con una Asambleya Ciudadana en a Sala Venecia (Carrera Lasierra Purroy, 8-10) pa informar a vecins y vecinas y articular a respuesta social contra l’ICA.

Debant d’o cobro de l’Imposau de Contaminación de l’Augua, que o Gubierno d’Aragón ha prencipiau a chirar dende a semana pasada a 100.000 fogars d’os vicos d’as Fuents, a Paz, Venecia y Torrero, o Ret d’Augua Publica (RAPA) convoca maitín a os vecins y vecinas de Zaragoza a una Asambleya Ciudadana pa informar y articular una respuesta social a o recibimiento de l’ICA.

RAPA y tamién Zaragoza en Común, consideran que l’ICA, amás d’inchusto, “ye ilegal porque invade competencias municipals y amás produz una doble imposición sobre o mesmo servicio”, afirma Maribel Martínez, portavoz de ZeC. Os zaragozans y zaragozanas “pagamos dos veces por un servicio por el qual a ciudat ya ha abonado 330 millons d’euros en depuradoras, la qual cosa nos leva a qualificar l’ICA como una gran estafa que ha d’estar recurrida por a ciudadanía”, denuncia Martínez.

Pa Carlos López, coportavoz de ZeC, ista taxa ye destinada a cubrir os costes d’un Plan de Saniamiento y Depuración “deficitario y eixemplar de mala chestión d’os recursos publicos”. Manimenos, cal destacar que a Camera de Cuentas d’Aragón en a suya informe ya certifica a insostenibilidad economica d’o Plan y os suyos elevaus sobrecostes y anuncia un risgo alto d’incumplimiento. L’órgano fiscalizador apunta que, de media, s’han d’incrementar as tarifas de l’ICA un 3,7% anual, d’aquí a o 2045 pa que os ingresos de l’imposau s’equipasen a os costes.

Una chestión nefasta que ya somos pagando as vecinas y vecins de Zaragoza y que requiere un cambeo de modelo ent’a chestión publica, transparent y participativa de l’augua. Por ixo, Zaragoza en Comuna clama a os zaragozans y zaragozanas a participar en l’Asambleya Ciudadana convocada por a RAPA manyana chueves 26 d’octubre a las 19:00 horas en a Sala Venecia (Lasierra Purroy, 8-10) pa informar y unir a la campanya que allí s’encetará pa recurrir o pago de l’ICA.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies