Teresa Artigas asistió iste luns 23 d’octubre a una reunión en a Confederación Hidrografica de l’Ebro, convocada con o titol “Mesa de trobada por o Plan Nacional por l’Augua”, en o grupo de “Usuarios d’Abastecimiento”.

Dimpués de salir d’a reunión y dimpués de revisar a documentación aportada en ista, Teresa Artigas alerta que “iste Pacto Nacional por l’Augua que o Ministerio d’Agricultura y Pesca, Alimentación y Medio Ambient pretende vender como un gran consenso, ubre a puerta a transferencias de recursos hidráulicos entre ambitos territorials de distintos plans hidrolochicos de cuenca, ye dicir, a trasvases como o de l’Ebro a Devante”.

En relación con a posible revisión d’o Plan Hidrolochico Nacional, la qual cosa estableix o documento d’o Ministerio dirichiu por Isabel García Tejerina, ye “integrar os acuerdos d’o Pacto Nacional por l’Augua en os Planes Hidrolochicos de cuenca u bien pueden requerir qualques modificacions de Lei”.

Entre os obchectivos prencipals d’iste Pacto Nacional por l’Augua, s’incluye l’atención de las demandas en as cuencas mas deficitarias d’o país. Asinasmesmo, en o documento s’apela a o consenso con totz os grupos politicos y totz os usuarios de l’augua, manimenos Artigas afirma que “se ye fendo tot lo contrario”, convocando a istas reunions de traza sectorializada, por la qual cosa os distintos achents socials que pueden tener visiones contrapuestas no tienen a oportunidat de debatir entre ells, sin aportar documentación previa ta guarenciar que sía un debat informau y con uns plazos de convocatoria mas que achustaus.

Debant d’a posibilidat que istas trobadas en o marco d’a CHE pretendan legitimar con una falsa participación futuros trasvases hemos expresau nuestro refuso como Concello de Zaragoza a os mesmos y a toda politica hidráulica que vaiga contra a Directiva Marco de l’Augua y que no contemple os ríos como ecosistemas aquaticos.

Seguntes a documentación aportada, y tal como se nos ha confirmau dende a CHE, os proximos pasos son a presentación d’alegaciones a o documento, que se pretende levar a trámite parlamentario en 2018.

Consideramos que transparencia en a chestión d’os recursos hidricos ye fundamental, y con os antecedents d’o PP en materia de chestión d’augua hemos expresau en a reunión d’a CHE que si iste pretendiu Pacto Nacional pretende emblanquir os trasvases entre cuencas, que no va a contar ni con nuestro emparo ni con o nuestro silencio.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies