Francisco Polo, Antonio Silva y Guillermo Lázaro han estau hue nombraus nuevos consellers d’a Sociedat Municipal Ecociudad Zaragoza en representación d’o Grupo Municipal de Zaragoza en Común, entre a Chunta Cheneral de dita sociedat celebrada iste maitín. Iste nombramiento se produz dimpués d’a decisión en chunio de 2017 d’os antigos consellers de ZeC en Ecociudad; Pedro Santisteve (president), Teresa Artigas (vice presidenta) y Pablo Muñoz (vocal) de deixar os suyos puestos en o Consello d’Administración d’EZ debant d’o bloqueo politico d’a oposición PP-PSOE-Cs y a imposibilidat d’enchegar politicas encaminadas a la chestión publica y participativa de l’augua y a arrojar luz sobre a sociedat Ecociudad.

Os tres nuevos consellers de Zaragoza en Común en Ecociudad tienen un alto perfil y conoixencia churidico, tecnico-administrativo y politico, respectivament.

Francisco Polo, conceller d’o Concello de Zaragoza entre a primera lechislatura democratica y churista de prestigio con 44 anyos d’experiencia en l’exercicio de l’abogacía y vinculau a o grupo churidico de Zaragoza en Común, an prencipió a participar dende l’encieto d’a creyación d’a candidatura municipalista.

Antonio Silva, Ingeniero Tecnico Industrial y con formación como Oficial Industrial, Tecnico en Estudios de Tiempos y Movimientos y Tecnico en Estudios de Chestión Meyoambiental, ha desempeñado entre 27 anyos o puesto de Chefe de Sección Control Depuración Auguachinas Residuals en o Concello de Zaragoza. Cuenta amás con una dilatada corrida como docent de diversos programas educativos en materia de meyo ambient, enerchías renovables y depuración de l’augua, en o Centro Politecnico Superior y a Escuela Universitaria Politecnica de l’Almunia, entre atros centros.

Guillermo Lázaro, por a suya parte, ha dedicau a suya corrida profesional a o ficacio de menors en protección. Posteriorment, realizó estudios de desembolique web, treballando en iste ambito. Participa en Zaragoza en Común dende os suyos inicios y coordinó a campanya electoral d’as eslecions municipals de 2015. Dende alavez, ye o coordinador d’o grupo municipal de Zaragoza en Común en o Concello de Zaragoza. Ha entrenau a equipos de baloncesto de formación de quantos colechios entre quasi 20 anyos. Vivió 6 meses en Acacías, (Colombia) utilizando o baloncesto como ferramienta de recuperación de menors victimas d’o conflicto armau y de mullers victimas d’a violencia machista. En octubre de 2017 estió esleiu Secretario Cheneral de Podemos Zaragoza.

Consello extraordinario d’Ecociudad, suspendiu dica o martes

Dimpués d’a Chunta Cheneral d’Ecociudad Zaragoza en el qual han tomau posesión como consellers d’EZ Polo, Silva y Lázaro, ha teniu puesto o consello extraordinario d’a sociedat municipal, pa aprebar l’informe emitiu por o letrado d’Ecociudad.

Debant d’o recient nombramiento d’os tres nuevos consellers, produciu tasament una hora antes d’o consello extraordinario, os tres representants de ZeC en a sociedat municipal han solicitau un tiempo de 48 horas habils pa recibir y conoixer o conteniu de l’informe correspondient, solicitut acceptada por o consello d’EZ, por la qual cosa a proxima reunión d’EZ se celebrará o proximo martes 7 de noviembre.

Francisco Polo ha manifestau que “debant d’o feito de desconoixer ixe informe, hemos solicitau a suspensión d’a reunión a l’efecto de tener conoixencia d’ixo pa no provocar a indefensión de dengún”. Guillermo Lázaro ha adhibiu que os consellers de ZeC en EZ pedirán o proximo martes “a encorporación de l’informe realizau por l’asesoría churidica d’o Concello en el qual figura que no i hai garra tipo de delito”. Lázaro ha sinyalau que “i hai masiada prisa en aprebar y levar actuacions a la fiscalía” y que “os grupos municipals son prejuzgando ya una intención de levar un informe churidico” por o que “ye lochico que totz os consellers d’EZ tiengan toda a información necesaria pa tomar una decisión d’iste calado”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies