Ista semana hemos anunciau que o Concello ya tiene listo o borrador d’o Plan de Barrio de Sant Chusé. Se tracta d’un documento estratechico, el obchectivo del qual ye abanzar en o reequilibrio social y territorial d’a ciudat.

Iste documento ubierto ye o reflejo d’o treballo y a reflexión realizaus por os tecnicos d’o Concello de Zaragoza de conchunta con representants d’o movimiento vecinal entre chinero y noviembre de l’anyo 2017 y ye o primer d’os cinco plans de barrio que se pactaron en o zaguer Debat d’o Estau d’a Ciudat. Os atros son os de Delicias, As Fuents, Torrero y Valdefierro. Istes son os primers, pero o nuestro obchectivo ye plegar a planificar o futuro de totz os barrios d’iste modo.

A metodolochía ye a d’una reflexión conchunta d’os servicios municipals (Ebrópolis, Planeamiento, Infrastructuras, Mobilidat, Equipamientos, Parques y Chardins, Medio Ambient, Acción Social, Vivienda, Fomento Empresarial-Comercio), tenendo en cuenta tres dimensiones: as personas, a ciudat y a economía.

Eixes estratechicos d’os Planes de Barrio

Ta responder a os retos planteyaus en os barrios de Zaragoza, os Planes de Barrio preveyen aconseguir os siguients obchectivos:

1. Reforzar a identidat d’o barrio, buscando a suya singularidat dende lo cultural, social, meyoambiental… estando capaz d’aprofitar as oportunidatz de cadagún.

2. Chenerar espacios publicos atractivos, millora d’as carreras y aceras, priorizando a o peatón, disminuyendo l’uso d’o vehíclo privau y chenerando espacios de relación.

3. Priorizar lo cercano y lo local, amillorando os servicios publicos municipals y achugando por o comercio de proximidat.

4. Renaturalizar o espacio urbano, metendo en valor y recuperando espacios naturals, connectando-los con as zonas verdas internas d’o barrio.

5. Atrayer a población choven, fendo atractivo o barrio pa atrayer a nueva población, especialment a población choven.

6. Guarenciar vivienda suficient, adequada y de calidat, por medio d’o fomento de vivienda asequible y millora d’a scena urbana.

Qualques prochectos concretos en Sant Chusé

O proceso de Sant Chusé rancó en 19 chinero 2016, con a presencia d’os vecins y miembros d’a Chunta de Distrito. A partir d’alavez, os responsables de diez servicios municipals han treballau en diez sesions monograficas en el qual os diferents servicios han exposau o suyo visión d’o barrio.

Como se tracta d’un documento ubierto, a siguient fase será a d’a priorización de medidas por parte d’as vecinas y vecins y os grupos municipals. cal recordar que entre o periodo de reflexión, tamién se tenió en cuenta a visión expresada por as personas que habitan iste distrito a traviés d’os suyos representants d’as Asociacions Vecinals y d’a Chunta de Distrito.

Istes son beluns d’os prochectos proposaus pa o Plan de Barrio en Sant Chusé:

– Acabar a U-25, unindo a ribera d’a Canal con a Quinta Julieta, con a obtención d’ixe equipamiento, entre las calles Terrazas de Cuéllar y Puente de Villa de Pau.

– Transformar l’avenida Cesáreo Alierta en un bulevar natural con tráfico calmau, derivando o tráfico a Tenor Fleta. Creyando un parque lineal de 18.000 metros quadraus (a metat d’o Parque d’a Grancha en extensión).

– Crear un polo d’atracción economico arredol d’a Zaragozana, especializau en a biera. Renovación d’aceras y alumbrado d’as carreras adchacents.

– A Isla de Sant Chusé: proceso de recuperación d’a zona creyando una avenida comercial paralela (entre Mor de Fuentes y Monesterio de Samos) y promoviendo o chicot comercio en todas ixas mazanas. Una medida vinculada con la reforma de l’Avenida Sant Chusé, que quedaría con un solament sentiu de circulación y aceras mas amplas dende Miguel Servet dica Cesáreo Alierta.

– Ampliar o Centro Civico Teodoro Sánchez Punter pa cubrir la demanda vecinal.

– Remodelar y recuperar o Cabezo Tallau fendo una zona de recreo naturalizada.

– Obridura de carreras peatonales arredol d’as carreras Ventura Rodríguez y Dos de Mayo. Obtención d’espacio publico y esponjamiento.

– Crear corredors verdes y peatonales atractivos arredol de las calles Terrazas de Cuéllar, Marín Bagües, García Lorca, Monesterio de Samos, Luis Braille.

– Millora d’a plaza Reina Sofía.

– Creyación de 61.000 metros quadraus de zonas verdas en las parcelas situadas entre o tercer cinturón y o Barrio de Sant Chusé.

– Implantación de dos nuevas escuelas infantils.

– Edificación de mas de 200 viviendas publicas, implantando en o barrio a formula de cesión d’uso.

– Obtener por medio de mediación municipal viviendas pa politicas d’alquiler social. Posibilidat de compra por parte d’o Concello de vivienda en o mercau privau por medio d’instrumentos como as arias de tanteo y retracto u a compra d’a vivienda permitindo usufructos vitalicios pa os inquilinos.

– Reformar as tres grans avenidas: l’avenida Sant Chusé dica Miguel Servet, Cesáreo Alierta, Tenor Fleta.

– Se crean quantas zonas de renovación integral d’as carreras perteneixients a os entornos d’a Zaragozana, d’a carrera Melilla, Dotze d’Octubre y d’a Isla de Sant Chusé.

Imachen: AVV San José

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies