O proceso pa enchegar a Oficina Municipal contra o Fraude y a Corrupción ya ye dando os suyos primers pasos. O pasau 27 d’octubre, o Gubierno Municipal analisó o borrador d’a futura usina y hue, Pedro Santisteve y Fernando Rivarés presientan ixe borrador de reglamento a entidatz socials en una primera reunión de treballo pa encetar un proceso participativo que replegue as aportacions d’a ciudadanía entre os proximos tres meses.

A Oficina Municipal contra o Fraude y a Corrupción ye una iniciativa con el qual contribuir a o control y a prevención d’istas conductas en l’ambito municipal y guarenciar a etica publica. S’encargará de guarenciar a integridat d’os cargos y emplegaus publicos y d’investigar l’uso ilicito de fondos publicos, as situacions d’incompatibilidad y conflictos d’intréses u os casos en el qual i haiga un aprovechamiento privau d’información obtenida en o desempeño de funcions pa o Concello. Amás, tendrá una función preventiva, evaluando arias de risgo y empentando códigos de buenas practicas.

A Oficina se plantea como un órgano independient, con autonomía funcional, que dependerá d’o Pleno y que actuará sobre tot o Concello, incluius os organismos publicos y sociedatz municipals. a suya estructura será formada por un Director u Directora, que habrá d’estar una persona de reconoixida trayectoria democratica y de prestigio y que o suyo nombramiento será proposau por o Gubierno y aprebau por o Pleno. Chunto a o Director u Directora, será o Consello Asesor, componiu por un maximo de cinco vocals designaus por mayoría de tres quintos d’o Consello d’a Ciudat entre personas de reconoixida trayectoria en la luita contra a corrupción.

Por qué empentamos a Oficina Municipal contra o Fraude y a Corrupción?

Quasi a metat d’os encuestados por o Centro d’Investigacions Sociolochicas sitúan como segundo d’os grans problemas que existen actualment en Espanya o fraude y a corrupción, solament por dezaga d’o desemplego. As conductas delictivas relacionadas con a corrupción s’han cometiu quasi en un 70% en a esfera de l’Administración Local. Totz os organismos de control que existen dica a calendata (intervencions chenerals, tribunal de cuentas, camera de cuentas) son necesarios, pero s’han evidenciado insuficients en la luita contra a corrupción.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies