Pedro Santisteve y Alberto Cubero, han presentau a Ofierta d’Emplego Publico d’o Concello pa 2017, aprebada por o Gubierno Municipal o pasau viernes 10 de noviembre, que preveye a convocatoria de 180 plazas d’oposición y incluye 168 plazas de promoción interna. En total, son 348 nuevas plazas.

Ista OEP cumple tres obchectivos prencipals: o primer,  a creación d’emplego dende lo publico, una achuga que somos consolidando dende a OEF de 2016, manimenos a taxa de reposición imposada por o Gubierno d’Espanya, aconseguindo frenar a tendencia d’os zaguers 6 anyos de destrucción d’emplego y aumentando a plantilla en 100 personas.

Unatra fique fundamental ye a promoción profesional d’o personal municipal. A ista fin, en ista ofierta s’incluyen 168 plazas de promoción interna que s’unen a las 163 d’a Ofierta de l’anyo anterior. En dos anyos, por tanto, hemos aprebau ya 331 plazas de promoción interna, un dreito d’o personal funcionario que no s’ha puesto exercer en istes zaguers anyos.

O tercer d’os obchectivos ye a reducción d’a temporalidad, una constant d’as Administracions Publicas que chenera precariedad en a calidat de l’emplego y en a prestación d’os servicios publicos.

A OEP incluye un important numero de plazas d’estabilización y consolidación d’emplego gracias a o como i habrá 91 plazas que pasarán d’estar ocupadas por personal interino a ocupar-las personal funcionario de corrida. D’as 168 plazas d’oposición, 57 son de consolidación y 34 d’estabilización.

Tamién cal destacar o cumplimiento con a lei en materia de reserva de plazas pa personas con diversidat funcional ya que se reservan 9 plazas.

O nuestro obchectivo no ye solament aprebar as Ofiertas d’Emplego Publico, sino amás executar-las.

Datos d’as Ofiertas d’Emplego Publico aprebadas en ista lechislatura:

Anyo 2016: 279 plazas

Oposición ubierta: 116 plazas

Promoción interna 163 plazas ( 114+ 49 Administrativos d’a Ofierta Complementaria)

Anyo 2017: 348 plazas

Oposición ubierta: 83 plazas

Promoción Interna :168 plazas ( 118+ 50 Administrativos)

Personal laboral indefiniu no fixo : 6 plazas

Consolidación d’Emplego Temporal : 57 plazas Estabilización d’Emplego Temporal : 34 plazas

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies