O BiZi forma parte d’o transporte publico, de conchunta con o tramvía, l’autobús y o taxi, como en muitas ciudatz espanyolas y europeas.

O servicio ye incompleto porque no plega a toda a ciudat. a extensión ye una demanda ciudadana muit amplia, que s’ha realizau a traviés de cientos de reclamacions particulars pa instalar nuevas estacions, decenas de peticions d’asociacions vecinals y chuntas de distrito, mesmo dos mociones aprebadas por unanimidat en o pleno d’o concello.

As primeras cinco nuevas estacions s’instaloron fa uns días en Barrios d’o Sud y queremos seguir ampliando o servicio a os vicos de Valdespartera, As Fuents, Cuéllar/Torrero, San José Alto, l’entorno de los Enlaces u barrio Oliver. Jorge Azcón, portavoz d’o PP en o Concello de Zaragoza, ha recurrido a extensión d’o BiZi y o Tribunal de Contractos ha anulau l’ampliación d’o servicio. Resulta chocant que o PP, que ha votau en Plenos municipals a favor de l’ampliación d’iste servicio, recurra una medida ampliament demandada, mientres que atras decisions de gubiernos anteriors como o pago de despidos d’Auzsa, an dende as arcas publicas se regaloron 2 millons d’euros a una interpresa privada pa pagar despidos, pasoron aparentment desapercibidas pa iste grupo municipal.

A expansión d’o BiZi ye un dreito de totz os barrios, pero por o que pareixe, o PP quiere que i haiga vicos con servicios de primera y de segunda. Iste recurso ye solament una d’as muitas estratechias d’o PP contra a mobilidat ciclista, recordemos que iste partiu ha estau en contra d’o carril bici en carrera Rioja, en Violante d’Hongría, en Paseo Sagasta u Avenida Valencia, grans vías d’a ciudat.

Zaragoza en Común tenemos claro que imos a seguir treballando pa que o servicio plegue a os barrios que levan tantos anyos luitando por ixo, encara que o PP no quiera que vaigas en bizi.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies