Seguimos dando pasos pa empentar a mobilidat electrica en Zaragoza.

O Concello y a interpresa concesionaria de l’autobús urbano han alcordau a dentrada en funcionamiento de totz dos primers autobuses electricos que amprarán servicio en a ciudat en l’anyo 2018. Istes dos vehíclos s’incorporarán en o primer semestre d’o proximo anyo, remanindo entre seis meses en fase de prebas, pa dimpués incorporar a la flota si dita preba resulta satisfactoria. Entre ista fase de prebas, os autobuses s’integrarán en dos linias por determinar y serán utilizaus por viajeros con as mesmas condicions que a resta.

Totz dos modelos esleius pa levar a cabo ista preba son un autobús de carga nocturna IRIZAR de 12 metros y un hibrido plus escalable a electrico VECTIA de 12 metros. L’alcuerdo no descarta que pueda incorporar bell vehíclo mas, en as mesmas condicions. O rendimiento de cadagún d’ells será evaluado por os servicios municipals y teniu en cuenta en a renovación de flota de proximos exercicios, que como ya alcordó o Gubierno de Zaragoza o pasau mes de chulio, se ferá dica o final d’a concesión siempre con vehíclos hibridos u electricos.

Tamién s’ha alcordau elaborar un prochecto pa implantar una primera linia d’autobús totalment electrificada, con sistemas de carga rapida en as terminals por medio de pantógrafos. Iste prochecto tamién ye previsto que sía redactado y listo ta prencipiar a executar a lo largo d’o proximo anyo.

Amillorar a eficiencia enerǵetica y fomento d’o estalbio

Amás, dentro d’a linia que planteyamos d’acompanyar a implantación d’o vehíclo electrico -tanto privau como publico- con a preocupación por l’orichen renovable d’a enerchía que empenta istes vehíclos, se va a redactar un prochecto pa instalar paneles fotovoltaicos en as cocheras de l’autobús urbano, de traza que a enerchía producida pueda usar pa recargar os autobuses, amás d’estar aprofitada pa o suministro d’o propio edificio. En paralelo a ixo, se van a estudiar diversas actuacions pa amillorar a eficiencia enerchetica d’istas instalacions, como a instalación de luminarias led, sustitución d’a caldera de calefacción por una de gas natural u atras modificacions en a climatización.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies