Zaragoza en Común expresa a suya solidaridat y emparo a o pueblo d’Honduras debant d’a grieu situación politica, a represión policial y a vulneración de libertatz civils en o país centroamericano.

O pasau 26 de noviembre, Honduras celebraba eslecions presidencials y de traza excepcional, o Tribunal Supremo Electoral d’o país no ofrió os resultaus o mesmo día d’a votación. Os primers datos d’o TSE daban una avantalla de 5% a favor d’o candidato de l’Alianza d’a Oposición, Salvador Nasralla. En as horas siguients ixa tendencia aumentaba, pero o TSE retenió a información y dimpués de quantas horas d’apagón informatico que obligoron a interrumpir o escrutinio, os primers resultaus actualizaus ofrius daban como vencedor a o candidato oficialista y president actual Juan Orlando Hernández. O TSE no ha explicau l’apagón informatico, ni o retardo en a publicación d’o recuento y a uembra d’o fraude electoral planea sobre a democracia en Honduras.

Dimpués de quantos días de protestas que os que o lugar hondurenyo salió t’as carreras pa exichir a resolución definitiva d’os comicios presidencials d’o domingo 26, o pasau viernes 1 d’aviento, o Gubierno de Juan Orlando Hernández decretó un estau de sitio. Un toque de queda en el qual ya han feneciu once personas, zifra que va cada día en aumento, y s’ha decretado a suspensión de dreitos y guarencias constitucionals. Una situación que a portavoz de Zaragoza en Común, Maribel Martínez, qualifica de “muit preocupant” debant d’una posible “nueva menaza de golpe contra a democracia hondurenya”. “Refusamos o toque de queda y a escalada de represión, que ha provocau ya mas d’una decena de muertos y que ya ha levau a centenars d’achents policials hondurenyos a declarar en vaga contra as ordens de reprimir a os manifestantes”. “Dende Zaragoza en Común nos solidarizamos con o pueblo d’Honduras”, adhibe Martínez.

Carlos López, co-portavoz de Zaragoza en Común, adhibe que “hemos de recordar que en 2009, Honduras ya sufrió un golpe d’estau d’a oligarquía contra o president Manuel Zelaya, emparo de l’actual candidato opositor Salvador Nasralla”, amás “l’actual president Hernández, podió presentar o suyo candidatura gracias a un fallo d’o Tribunal Electoral que aprebó o suyo reelección, ya que a constitución no lo permite”.

Por zaguer, López afirma que “emparamos as reivindicacions de l’Alianza d’a Oposición pa que un tribunal internacional revise as 18.128 actas sin a participación d’o Tribunal Supremo Electoral, debant d’as zagueras irregularidatz d’o TSE descubiertas”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies