Os edificios municipals de Vialidad, o CDM Sieglo XXI, o Quartel de Policía Local d’a Paz y o Parque de Bomberos nº1 son os nuevos equipamientos trigaus pa la instalación de nuevas placas fotovoltaicas.
A instalación d’o Parque de Bomberos de Valle de Broto ye licherament distinta, ya que se tracta d’una instalación solar mixta, con paneles fotovoltaicos y termicos pa augua calient sanitaria, ya que allí s’ubica a piscina de Bomberos.
Pedro Santisteve, Teresa Artigas y Elena Giner, asinas como Leticia Crespo, d’o grupo municipal de Chunta Aragonesista, han visitau as placas situadas en l’azotea d’o quartel d’a Paz. En concreto, ista instalación suposa 37.235 kWh d’estalbio en consumo y 22,3 Tn de CO2.
A potencia unitaria d’a instalación d’os paneles fotovoltaicos ye de 25,1 kW, estando a fotovoltaica d’o Parque nº 1 de Bomberos de 7,1 kW. O estalbio total entre os quatro edificios, en consumo electrico ye de 121.273 kw.h y de 31.184 kW.h enerchía termica. Isto suposa una reducción total d’as emisiones de 85,5 TN/anyo.
A instalación de paneles fotovoltaicos en edificios municipals s’inscribe dentro d’a Estratechia 20/20, un plan global d’estalbio enerchetico y reducción d’emisiones por el qual o Concello de Zaragoza pretende disminuir en un 20% o suyo consumo enerchetico en l’horizonte de 2020. Iste plan se basa en o concepto de sobiranía enerchetica, centrau en l’autoconsumo y una menor dependencia de fuents d’enerchía contaminantes.
Istas instalacions s’han financiau con cargo a una partida de 200.000 euros introducida en o presupuesto de 2017 por o grupo municipal de Chunta Aragonesista, como fruto d’o suyo compromiso en la luita contra o cambeo climatico, o fomento d’a eficiencia enerchetica y la achuga por o desembolique sostenible. “Queremos que o Concello lidere o compromiso de Zaragoza con a enerchía verda, invertindo en fuents alternativas pa o funcionamiento d’os suyos edificios publicos”, ha explicau Leticia Crespo, qui ha recordau l’obchectivo marcau en 2011 por o Pacto d’os Alcaldes pa o Clima y a Enerchía, pa reducir un 20% as emisiones de gases d’efecto invernadero.
Cal recordar que, gracias a las medidas contenidas en a Estratechia 20/20, o Concello ya ye cabidando arredol de 4 millons d’euros anuals en o suyo factura electrica, que o 100% d’a enerchía que consume ya procede de fuents renovables, y que ixo priva a emisión de mas d’1.700 toneladas de CO2 a l’anyo. La luita contra o cambeo climatico ye quefer de toda a sociedat, pero dende as institucions hemos de dar eixemplo con medidas decididas que cheneren milloras reals. Pa Zaragoza en Común y “pa o Gubierno Municipal ye una prioridat, y medidas como ista asinas lo contrimuestran”, ha indicau Teresa Artigas.