O sabado 20 de chinero de 10 a 13 horas (sesión de maitín) y de 16 a 19h (sesión de tarde), en o Centro Civico Laín Entralgo (Paseo a Mina, 14, 50001 Zaragoza), tos convidamos a participar en “Municipalismo 2019: unatra manera d’estar en politica“, una chornada pa pensar y reflexionar entre todas y totz sobre o municipalismo y as ciudatz como motor y espacio de transformación social.
a dentrada ye libre y podetz inscribir-tos en este enlace: https://zaragozaencomun.com/zaragoza2019/
O municipalismo ye participación, escuita, debat arredol d’ixo que, a ormino enmascarado en grans parolas, impregna lo mas immediato d’as nuestras existencias. Municipalismo significaría, alavez, pisar carrera pa millor conoixer-la, sudar-la y construir sobre as suyas tremendas contradiccions un esbozo cierto de mundo millor que poder tocar con os didos. Sería, ye, ixe puesto an a chestión se torna tant verdadera y epidermica que no admite unatra coseta que no sía radicalidad democratica. No puede estar esleir a dengún pa comandar brenca, no puede estar tacticismo, no puede descansar en nombres de relumbrón, no ye marketing, no ye, seguro, colocar a dengún en un puesto d’o que brenca conoixe y en el qual garra experiencia de garra naturaleza a ixe puesto referida puede acreditar. Ixo será qualsiquier atra coseta y pa ixo, en serio, no hebanos plegau dica aquí.
a chornada Municipalismo 2019 constará de dos espacios de debat, de maitíns y de tardes, en el qual imos a tener a oportunidat de compartir y debatir con miembros y cargos politicos de Zaragoza en Común y organizacions municipalistas de tot o estau. Compartimos con vusatros/as o programa y as personas convidadas, que iremos ampliando a lo largo d’os proximos días.

Sesión Maitín

Achuga Municipalista y Confluencia Ciudadana.

Ponentes : Pedro Santisteve, alcalde de Zaragoza; Luisa Broto, vicealcaldesa de Zaragoza, Jose Máría González “Kichi”, alcalde de Cádiz; Montserrat Galcerán, Concejala d’Agora Madrit.

Ye momento de tornar a pensar una estratechia municipalista pa Zaragoza.

Proposamos ista Chornada como un reforzo de Zaragoza en Común en o suyo papel de plataforma de confluencia ciudadana. Solament una Zaragoza en Comuna ubierta, cooperativa, intelichent y participada, que incluiga a totz/as  y que supere as formas tradicionals de fer politica será capaz d’imposar a o bloque liderado por o PP.

Queremos tamién que ista Chornada relance a construcción d’equipos potents que guarencien que no se da un zarre en falso d’o municipalismo, equipos que promuevan l’ambient d’obridura, cooperación y visión politica que permitió construir Zaragoza en Comuna.

Pa reeditar y ampliar l’exito de 2015, Zaragoza en Común ha de fortalecer a suya connexión con o escenario estatal d’o ret de candidaturas en común, amplificando a potencia d’as municipals pasadas y planteyando un modelo ganador pa las futuras.

O municipalismo no consiste en una serie d’experiencias independients en distintas ciudatz, sino que a suya fuerza reside en constituir un ret de ciudatz que sabe construir una imachen, una visión politica y una metodolochía compartida (obridura, primarias, emparo ciudadano…) que permitió ganar en muitas d’as prencipals capitals. Empentar y fortalecer iste ret debe estar una de las guías pa enfrentar a las municipals de 2019 y planteyar as condicions baixo as qualas se reedite la achuga electoral de Zaragoza en Comuna.

Sesión Tarde

Feminización d’a Organización y Modelos de Primarias

Ponentes : Laia Rosich, coordinadora de relato y de l’eixe de feminismos y LGTBI de Barcelona en Comú; Marcelo Expósito, deputau en o Congreso por En Comú Podem; Iago Martínez, Marea Atlantica, chefe de gabinete de l’Alcaldía d’A Coruña,

Feminizar a politica, Ganar primarias u cuestionar o poder?

Meter mullers en puestos de poder aconsigue que se faigan politicas feministas? Un sistema fundament inchusto puede estar perfectament paritario, o nuestro 50% de l’infierno neoliberal. Manimenos, simbolicament sigue estando important a visibilidat d’as mullers en puestos de salida. Pero mullers fendo qué politica? Y en qué tipo d’organización?

I hai una politica masculina, que ye a de siempre, que tiene ansiedad por o control, a hierarquía, os puestos, o poder. En o feminismo hemos aprendiu a politizar nuestras vidas y a charrar en primera persona pa transformar-nos y transformar o mundo. De feito as mullers siempre hemos estau en politica: en revolucions, movimientos populars en esfensa de tierra u de l’augua, asociacions vecinals, luita por a vivienda… siempre en primera linia d’acción de base pero desapareixendo d’a scena a medida que os puestos de representación son mas altos. Amenestemos por ixo cuestionar tot o que tienen d’inchustos u excloents os espacios de poder a el qual somos accediendo. Exercitar y exichir politicas feministas, que metan en o centro o conflicto entre o capital y a vida, y entre a institución y a vida, y se dediquen a resolver-lo, no a solaparlo. Hemos veniu a distribuir o poder entre a chent.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies