Conoixer a opinión d’as vecinas y vecins d’una traza scientifica ye fundamental pa conoixer a opinión publica y poder comparar-la respective a la opinión publicada y os discursos catastrofistas. Por ixo, o Concello de Zaragoza ha empentau o primer barómetro municipal, una ferramienta dende lo publico pa preservar a rigurosidad y transparencia en relación a o conoixencia d’a opinión publica. Totz os datos son disponibles en este enlace.

A traviés d’una enqüesta telefonica realizada por DFA, 1.430 personas han estau preguntadas por os problemas d’a ciudat, a suya valoración d’os servicios municipals y sobre qüestions de politica municipal.

O barómetro municipal publicau en a web municipal presienta una satisfacción cheneral d’a opinión publica con o funcionamiento d’os servicios municipals con una valoración meya d’o 6,61. a mayor satisfacción se da en os servicios de bomberos (8,45) y o ficacio telefonico d’o 010 (7,28), valoración d’especial mérito tenendo en cuenta que quan se realizó a enqüesta as treballadoras d’o 010 levaban 6 meses sin cobrar y encara asinas siguen amprando con enorme profesionalidad o suyo treballo. Solament o “asfaltau y conservación de carreras y mobiliario urbano” suspende con un 4,8.

Atros servicios valorados positivament son as actividatz en os Centros Civicos y os Centros de Convivencia d’a Tercera Edat y, manimenos a polemica chenerada arredol d’o tramvía y a la posible construcción d’a suya segunda linia, iste meyo de transporte tiene una valoración media (6,86) significativament superior a la de l’autobús (5,99).

Respective a tres de nuestras apuestas como a replegada selectiva de materia organica, a remunicipalización y l’ampliación de carriles bici:

– Os datos d’o barómetro municipal amuestran un emparo muit mayoritario a la medida d’implantar a replegada selectiva de materia organica, o 62,7% d’a ciudadanía empara a implantación d’iste tipo de replegada.

– O barómetro amuestra un emparo mayoritario a la remunicipalización d’os servicios publicos, estando quasi o doble o porcentaje de personas que l’empara (45,6%) frent a o que no lo fa (26,4%). O dato mas sorprendent, manimenos, ye l’emparo entre as personas que votoron a PSOE (53,4% a favor frent a o 22,3% en contra) si tenemos en cuenta o refuso absoluto d’iste partiu a qualsiquier proceso de remunicipalización.

– L’ampliación d’os carriles bici, tiene mas porcentaje d’emparo (47,6%) que de refuso (38,1%).

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies