O concellero de Zaragoza en Común, Alberto Cubero, y o concellero por o mesmo grupo en Ecociudad, Guillermo Lázaro, s’han reuniu con o comité d’interpresa d’a contrata d’alcantarillado pa evaluar os reiteraus incumplimientos de FCC d’o pliego de contratación y exichir a la presidencia d’Ecociudad nuevas sanciones a la multinacional.

Dimpués d’a reunión mantenida ista tarde entre os representants d’os treballadors d’a contrata d’alcantarillado d’Ecociudad que chestiona a interpresa FCC y os de Zaragoza en Común Alberto Cubero (Consellero de Servicios Publicos y Personal) y Guillermo Lázaro (Consellero en Ecociudad), istes zaguers han exichiu responsabilidatz a la presidenta d’a sociedat municipal Ecociudad Zaragoza, María Navarro, por permitir que FCC siga incumpliendo os pliegos de contratación d’o servicio.

Alberto Cubero ha explicau que ya fa un anyo que FCC les viene pagando 300 euros menos a os treballadors d’a contrata d’alcantarillado y rebaixando en 6 días os suyos festivos, incumpliendo o pliego de condicions que incluiba una clausula social prohibindo ixa practica. Isto suposa un estalbio a la multinacional d’uns 20.000 euros a o mes, mientres que os responsables tecnicos y politicos d’Ecociudad miran enta unatro costau y “son mas pendients d’a judicialización d’a vida politica”.

Pa Cubero isto ye grieu “porque no solament incumple con os treballadors, sino con a ciudat”, por medio d’una cláusula d’o Gubierno de Zaragoza referent pa todas as administracions d’o país, ya que esfendeba os dreitos laborals d’os emplegaus d’os servicios externalizados.

Cal recordar que, gracias a o treballo d’os Concelleros de Zaragoza en Común, se requirió a FCC a que resolvese a situación y a o no fer-lo en octubre se le imposoron 15.000 euros de sanción. Manimenos “dende octubre dica hue FCC sigue incumpliendo y Ecociudad no ha feito cosa permitindo a situación”, ha sinyalau o consellero, “burlándose de Zaragoza y d’os suyos treballadors”.

Ye por ixo que Alberto Cubero ha exichiu a María Navarro nuevas sanciones a FCC, incluindo a rescisión si ye necesario.

Por a suya parte, Guillermo Lázaro, concellero de Zaragoza en Común en Ecociudad y Coordinador d’o Grupo Municipal, ha reiterau a exichencia de disculpas a la resta de concelleros d’a ciudat dimpués d’o archivo por parte d’o fiscal d’a denuncia presentada por Ecociudad contra l’alcalde y dos concelleros de Zaragoza en Común.

Lázaro ha sinyalau que ye objetivo de Zaragoza en Común aconseguir que a chestión de l’augua que tiene encomendada Ecociudad, sía publica y transparent, “manimenos, o PP ye mas intresau en mantener os suyos intréses partidistas en cuenta de preocupar de supervisar as contratas y protecher a os treballadors d’as mesmas” ha afirmau.

Ista ye una d’as primeras medidas que os nuevos concelleros de Zaragoza en Común en Ecociudad tramitarán en a suya apuesta por una chestión eficaz y transparent de l’augua en a nuestra ciudat.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies