Teresa Artigas ha participau iste maitín en a Chunta d’Obras d’o recrecimiento de Yesa, convocada por a Confederación Hidrografica de l’Ebro en iste municipio navarro. O Concello de Zaragoza forma parte d’ista Chunta con un puesto de vocal.

Artigas ha lamentau que a celebración d’ista Chunta se i haiga demorado dos anyos y dos meses dende a zaguera convocatoria. “Istas obras se son caracterizando por a falta de transparencia y a opacidad -ha sinyalau a Concejala de Medio Ambient-, tanto o Concello de Zaragoza como o Gubierno de Navarra hemos solicitau quantas veces que se celebrase una nueva Chunta, ya que a zaguera tenió puesto en noviembre de 2015 ”.

A concellera ha sinyalau que igual que ocurrió en 2015, en ista reunión d’a Chunta d’Obras tampoco han participau representants d’os municipios dreitament afectaus por o recrecimiento. “Tornamos a denunciar que os lugars que pueden veyer afectaus por expropiaciones u que veyen en risgo a suya seguranza no han estau convidaus a la reunión pa estar informaus”, ha recalcado Artigas.

O recreiximiento de Yesa, una obra innecesaria pa l’abastecimiento d’augua a Zaragoza

Teresa Artigas ha expresau a oposición de Zaragoza en Comuna y o Gubierno Municipal a o recrecimiento de Yesa.

Seguntes os zaguers datos disponibles de consumo total d’augua en Zaragoza correspondients a 2016, o consumo total d’augua en a ciudat estió de 59,09 Hm3. D’iste volumen d’augua, 30,65 Hm3 han teniu o suyo orichen en l’embalse de Yesa, la qual cosa represienta un 51,9 % d’o total, y 28,44 Hm3 d’a Canal Imperial, que suposan o 48,1 % restante. Con motivo d’o Día Mundial de l’Augua en 2017, a concejala manifestó que “istas zifras contrimuestran cómo a ciudat s’abastece d’augua sin o recreiximiento de Yesa”.

Zaragoza en Común ha expresau en numerosas ocasions o suyo refus a o recreiximiento de Yesa. Un prochecto innecesario pa l’abastecimiento d’augua de Zaragoza, que ha cuadriplicado os suyos costes, suposa un important y negativo impacto meyoambiental, economico, social y patrimonial a l’entorno y que como han amostrau diversos estudios scientificos respective a o movimiento d’as laderas, puede suposar grieus risgos a la seguranza d’os municipios colindantes.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies