Zaragoza en Común empara a manifestación convocada por o Ret Augua Publica d’Aragón por a supresión de l’ICA y por una chestión publica y eficient de l’augua, iste domingo 4 de febrero a las 12 horas dende Glorieta Sasera.

O Gubierno d’Aragón, a traviés de l’Instituto Aragonés de l’Augua, ha iu ninviando por tandas dende o mes d’octubre o recibimiento de l’Impuesto de Contaminación de l’Augua a os vicos de Zaragoza. Maribel Martínez, portavoz de ZeC, afirma que manimenos ista estratechia d’o Gubierno d’Aragón pa privar una respuesta ciudadana mayor, os vecins y vecinas de Zaragoza han articulau una enorme contestación a iste impuesto. A portavoz de ZeC sinyala que a campanya d’a RAPA, con mas de 24.000 recursos replegaus, ye estando un exito y “ha obligau a o President Javier Lambán a simular una reforma de l’impuesto”. “Si o Gubierno d’Aragón ye realment intresau en plegar a un alcuerdo, habría de paralizar o cobro de l’ICA y posar a negociar”, ha puntualizado Martínez.

Zaragoza en Común denuncia una vez mas que l’ICA ye un impuesto inchusto. “Os vecins y vecinas de Zaragoza pagamos dos veces por un servicio por el qual a ciudat ya ha abonado 330 millons d’euros en depuradoras, la qual cosa nos leva a qualificar l’ICA como una gran estafa”, declara Maribel Martínez.

Un impuesto destinau a pagar a mala chestión de l’augua en Aragón

Carlos López, coportavoz de ZeC, ha sinyalau que iste impuesto ye destinau a cubrir l’agujero d’os costes d’o Plan Aragonés de Saniamiento y Depuración diseñado y chestionau por o PAR con l’emparo d’os gubiernos d’o PSOE y o PP. Un plan “deficitario y eixemplar de mala chestión d’os recursos publicos”, afirma López. cal destacar que a Camera de Cuentas d’Aragón en a suya informe ya certifica a insostenibilidad economica d’o Plan y os suyos elevaus sobrecostes y anuncia un risgo alto d’incumplimiento.

López indica que o sistema de depuración diseñado en Aragón ye o mas caro d’Espanya, con una meya d’o 350%, y sinyala practicas d’opacidad en a chestión de l’augua en Aragón levadas a cabo por l’Instituto Aragonés de l’Augua en os zaguers decenios. “Os colectivos ecolochistas y socials levan anyos demandando una auditoría, que encara no ha plegau, d’o Plan Aragonés de Saniamiento y Depuración pa conoixer os gastos reals, establir responsabilidatz y poder redisenyar o sistema de depuración” denuncia o portavoz de ZeC.

Zaragoza en Común considera que ista chestión nefasta que ya son pagando as vecinas y vecins de Zaragoza y de multitut de municipios aragoneses requiere un cambeo de modelo ent’a chestión publica, transparent y participativa de l’augua. Carlos López afirma que experiencias como a d’a depuradora ecolochica de Fabara “ya son eixemplo que existen alternativas sostenibles pa la chestión d’o ciclo integral de l’augua en Aragón”.

A organización municipalista anima a os zaragozans y zaragozanas a participar en a manifestación convocada por a RAPA a las 12 horas dende Glorieta Sasera.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies