Diez días dimpués de l’avería en a depuradora de l’Almozara, os consellers de Zaragoza en Común en Ecociudad denuncian que María Navarro, presidenta d’a sociedat municipal, no ha ninviau un informe oficial de daños.

O pasau viernes 26 de chinero tenió puesto una important avería en as instalacions d’a Depuradora de l’Almozara. Ixe mesmo día, os consellers d’Ecociudad visitoron la planta pa recibir una explicación preliminar d’os danyos y as explicacions de cómo s’heba actuau en ixe primer momento.

En dita visita, a Presidenta d’Ecociudad María Navarro, se comprometió a que o gerente y os tecnico d’a sociedat elaborarían y remitirían un informe completo entre ixe cabo de semana con detalle de lo succediu. Transcorrius mas de 10 días, no existe encara un informe oficial relatando lo succediu, os suyos causas, una rigorosa valoración d’os daños, o tiempo de reparación y o suyo coste.

Francisco Polo, consellero de Zaragoza en Común en a sociedat municipal, denuncia que ista ye una muestra mas d’o desgobierno que se vive Ecociudad con o Partiu Popular. “Ni a presidencia ni a cherencia cumplen con ixo a o que se comprometen, ni sisquiera debant de situacions tant grieus como as ocurridas en l’Almozara”, ha sinyalau Polo.

Precisament, hue se cumplen dos semanas dende que os consellers de Zaragoza en Común en a sociedat municipal solicitoron a convocatoria d’un Consello Extraordinario pa valorar, entre atras qüestions, o cese d’a Presidenta y de l’equipo directivo d’a sociedat. “María Navarro torna a incumplir y con ixa falta de profesionalidad no puede estar ni un segundo mas a o frent d’a sociedat Ecociudad” afirma o consellero de ZeC. .

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies