O PSOE ha tornau a bloquiar con o suyo voto o prochecto de rehabilitación de Pontoneros entre o Consello d’Administración de Zaragoza Vivienda, celebrau iste maitín. O Concejal de Vivienda, Pablo Hijar, lamenta a nueva negativa d’o PSOE a un prochecto de rehabilitación emblematico y reivindicau por o teixiu vecinal d’o Casco Historico y advierte que ista decisión suposa un antes y un dimpués en a relación con o grupo socialista.

O Consello d’Administración de Zaragoza Vivienda ha levau iste chueves a votación -entre atros temas- un punto con a finalidat de dar encieto a o prochecto de Pontoneros, amás de l’encieto d’os trámites necesarios pa enchegar a construcción de 180 viviendas d’alquiler social en Valdefierro, Casco Historico, As Fuents y Arrabal. Con os votos a favor de totz os partius, a excepción d’o PP, Zaragoza Vivienda ha dau luz verda a la construcción de 180 viviendas destinadas a l’alquiler social con criterios ecolochicos y d’eficiencia enerchetica pa tractar de dar respuesta a las necesidatz actuals d’a ciudadanía frent a la cultura de compraventa.

L’encieto d’o prochecto de rehabilitación de l’antigo quartel de Pontoneros no ha contau, manimenos, con os votos necesarios pa la suya enchegada. O PSOE ha tornau a votar en contra d’o prochecto, prolargando un bloqueo que dura mas d’anyo y meyo. Pablo Hijar ha valorado a posición d’o PSOE como un “mazazo a las politicas de vivienda” ya que Pontoneros ye un prochecto con gran acullida en o distrito de Casco Historico y ha afirmau que o PSOE fa un “mal uso d’os consellos d’administración, utilizando-los pa o bloqueo politico”. Una situación que seguntes o pareixer d’o Conceller se reproduz en totz os consellos d’administración d’o Concello de Zaragoza.

Hijar ha sinyalau que ista votación va a suposar un “antes y un dimpués en as relacions con o partiu socialista”. L’edil ha subrayau que “no sirve de cosa que o PSOE pida a execución d’as suyas partidas presupuestarias, si se dedica a bloquiar os prochectos emanados d’a negociación d’o presuposau, especialment en una materia tant sensible como vivienda” y ha denunciau que a intención d’o grupo socialista ye rematar l’actual lechislatura sin quitar abance Pontoneros.

Cal recordar que a propuesta d’o PSOE consiste en destinar a totalidat d’os aloches de Pontoneros a estudiants de postgrau d’a Universidat de Zaragoza. A propuesta inicial d’o gubierno son aloches de caracter social pa colectivos como familias monomarentales u monoparentals, mayors u chovens. Fruto d’as negociacions mantenidas con o PSOE, Zaragoza en Común acceptó que un d’as tres plantas de l’edificios d’iste inmueble tenese ista fin.

A votación d’o consello d’administración de Zaragoza Vivienda de hue suposaba dar luz verda a la licitación d’a rehabilitación d’o prochecto, no a os usos d’o mesmo, que se podrían definir mas abance. “Ye dicir, con a suya negativa o PSOE s’oposa por prencipio a iste prochecto”, ha declarau Pablo Hijar.

Solo desalcuentro pa plegar a un alcuerdo marco en politicas de vivienda en Zaragoza

A rehabilitación de l’antigo quartel de Pontoneros suposa una d’as piedras angulars en a negociación entre as fuerzas d’a cucha en o Concello de Zaragoza pa un alcuerdo marco que permita desembolicar a politica de vivienda en a capital aragonesa en os proximos seis anyos. En chulio de 2017 l’equipo de Gubierno presentó tanto a CHA como o PSOE una propuesta en el qual s’ha estau treballando os zaguers meses. Dimpués d’as conversacions mantenidas, Hijar declaraba iste luns haber aconseguindo “un 80% de coincidencias con o PSOE y un 100% con CHA”.

Entre as iniciativas con alcuerdo d’os tres grupos se troban; dedicar o 50% d’os suelos municipals pa promoción de vivienda a o desembolique de prochectos con un sistema mixto entre o dreito d’a a promoción por medio d’a cesión d’o dreito de superficie pa estar destinadas as viviendas prioritariament a chovens. a propuesta d’o PSOE ye ofrir o dreito de compra a futuro a os usuarios de ditas cooperativas; promover a cesión d’o dreito de superficie de dos parcelas pa estar destinadas a la promoción, construcción y chestión de viviendas en rechimen de cesión d’uso a favor de cooperativas pa promoción de viviendas destinadas preferentment a chovens, que coincide amás con una moción de CHA aprebada recientment en o pleno y seguir aumentando o presupuesto dedicau a la rehabilitación privada, asinas como encetar un plan de rehabilitación d’o parque municipal de vivienda d’alquiler social.

O solo punto que no conta con o consenso d’os tres grupos ye a definición d’os usos de Pontoneros pa l’ampliación d’o parque publico de vivienda en alquiler.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies