O Concello reconoixe a labor y trayectoria comunitaria d’o Centro Social Comunitario Luis Buñuel con un convenio de cesión d’uso d’o espacio.
O Gubierno Municipal ha aprebau o viernes 9 de febrero l’expediente pa la regularización d’os usos de l’antigo instituto Luis Buñuel. Este centro seguirá dedicar a usos socioculturals y en a primera planta de l’edificio s’ubicará a Usina de Planes Integrals que, entre atros quefers, s’encargará de l’adreza, chestión, programación y control d’o funcionamiento. O suyo treslado queda condicionado a l’adequación d’os espacios.
Amás pa regular l’uso d’iste espacio s’ha aprebau un convenio de colaboración entre o Concello y l’Asociación Centro Social Comunitario Luis Buñuel que regirá a realización d’actividatz de cultura comunitaria y en el qual s’estableixen as obligacions a complir.
O Gubierno ha alcordau declarar d’intrés cheneral dende o punto de vista cultural o prochecto de chestión comunitaria d’ista asociación y tramitar l’autorización especial temporal ta que pueda usar la planta baixa de l’edificio y o patio por un periodo de 4 anyos prorrogables. a decisión conta con los informes tecnicos favorables de Cultura, Participación Ciudadana y l’Asesoría Churidica ya que o prochecto s’achusta a lo establiu en o Plan Integral d’o Casco Historico 2013-2020 aprebau por o Pleno en 2014. En ell se replega expresament a ‘busca de nuevas formulas de chestión participada a traviés d’o teixiu asociativo d’o vico‘ pa la enchegada d’o Buñuel como centro comunitario de proximidat.
De forma paralela, se va a enchegar un nuevo proceso participativo pa que totz os interesaus en l’uso d’espacios de l’antigo instituto puedan realizar aportacions pa os usos d’a primera y segunda planta. Ista actuación se va a empentar dimpués que en aviento s’ubrise un proceso de concurrencia con as entidatz que a lo largo d’os zaguers anyos habrían solicitau l’uso d’o Buñuel. Dos d’ellas confirmoron o suyo intrés por o espacio (Escuela y Despensa y l’Asociación Centro Social Comunitario Luis Buñuel) pero solament una d’ellas, a segunda, presentó un prochecto d’actividatz como se requeriba.
A propuesta de l’Asociación Centro Social Comunitario Luis Buñuel incluye a realización de 36 actividatz permanents con obchectivos educativos, socioculturals, culturals clasicos, esportivos, d’asistencia y buenpasar social y sociosanitarios. Los informes tecnicos avalan l’intrés publico d’o prochecto, en a medida que ye basau en a colaboración y chestión con vocación de servicio publico, empentando nuevas formas de participación activa d’achents culturals, socials y teixiu vecinal en a gobernanza de lo publico.
A iniciativa s’enmarca en os nuevos modelos de cultura comunitaria que buscan facilitar a participación real y directa d’os ciudadans y que o Concello de Zaragoza viene promoviendo dende 2014 y mas intensament en os zaguers anyos.
A regularización d’a utilización de l’antigo instituto sigue os pasos d’iniciativas desembolicadas en atras ciudatz, an os concellos han reconoixiu espacios culturals d’autogestión. Ye o caso d’o Gernika-Astra en el País Vasco, l’Ateneu 9 Barris, que ya cumpliu 40 anyos de funcionamiento, y a Casa Orlandai en Barcelona u Tabacalera Madrit, cedida por o Ministerio de Cultura.