Zaragoza en Común empara a Vaga Internacional de Mullers d’o 8 de marzo en os suyos 4 eixes: Vaga de Cudiaus, de Consumo, Laboral y Estudiantil, y se suma a las accions proposadas por o Movimiento Feminista d’a nuestra ciudat.

Ista huelga, convocada en mas de 40 paises, tiene multitut de motivos que se viven de forma cutiana en a nuestra ciudat. Con ista huelga exichimos:

– A fin d’a violencia machista contra mullers y ninos/as, tanto a violencia dentro d’a familia como as agresiones en a carrera, l’acoso sexual, etc. Amenestemos un pacto d’estau contra as violencias machistas que las incluiga todas y que destine recursos suficients  pa combatir-las, modificando as leis actuals que nos impiden contratar personal pa dar a respuesta adequada.

-O reparto de totz os treballos de reproducción d’a vida, imprescindibles pa que a sociedat funcione, que son exercius mayoritariament por as mullers de forma gratis y invisible y son responsabilidat de totz. Porque si a obligación de cudiar ye desigualment repartida entre hombres y mullers, tamién ye desigualment repartida entre a familia y os atros achents que intervienen en o cudiau social (Estau, mercau y comunidat). Por ixo dende Zaragoza en Común apostamos porque o cudiau deixe d’estar un afer familiar y de mullers y se convierta en una responsabilidat social compartida entre individuo, familia, concello y comunidat.

– A fin d’a precariedad laboral y d’a brecha salarial por el qual cobramos 6.353 euros menos a l’anyo. Exichimos unas pensions dignas eliminando a desigualdad entre os cheneros. Esfendemos que garra muller ye ilegal. Y como ya aprebamos en una moción en o Concello ye ineludible a ratificación d’o convenio 189 d’a  OIT que regula o treballo domestico y de cudiaus. Porque solament dende a igualdat real, o treballo digno y a introducción d’a perspectiva de chenero en l’acceso a os dreitos economicos, aconseguiremos acabar con a pobreza.

-Una educación publica, laica y feminista, que defienda o dreito a todas as identidatz sexuals, o dreito a estar diferents y rebeldes, y que replegue o legado d’as mullers a la historia, a sciencia y a cultura.

-Una economía centrada en as personas y no en o mercau. Una sociedat el fin del qual no sía o consumo. Somos fartas d’estar obchectos utilizaus pa vender, que nos imposen cómo estar y nos encorseten en patrones solos.

Dende Zaragoza en Común entendemos que l’obchectivo d’ista huelga ye visibilizar tot o treballo (remunerau u no) que femos as mullers y que aturando todas as nuestras actividatz, se notarán as ausencias y se podrá meter en valor quál ye o puesto que ocupamos as mullers en a producción y reproducción d’a vida y por qué i hai discriminación.

Por ixo clamamos a las mullers a la huelga de 24 horas. Ixe día no treballamos, no estudiamos, no cudiamos y no consumimos. No queremos que nos suplan, queremos que se veiga que no i somos. Ixe día seremos en a carrera participando d’as actividatz en a carrera con as mullers feministas de Zaragoza.

Por ixo clamamos a os hombres a respaldar a huelga feminista y les pedimos que faigan huelga laboral pa que asuman o treballo de cudiaus d’as mullers d’a suya entorno y poder facilitar que ellas lo deixen de fer, que no consuman, que no convoquen reunions y que emparen o treballo d’as companyeras en as accions d’a huelga.

Acude y participa en a Huelga Feminista. Nos queremos vivas y libres.

Si nusatras paramos, s’atura o mundo!

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies