Zaragoza en Común levará a defensa d’o sistema publico de pensions a debat y votación o proximo Pleno Municipal. A iniciativa presentada por ZeC insta a emparar dende o Concello de Zaragoza tanto as movilizaciones de pensionistas que se son desembolicando en Espanya, como as suyas reivindicacions. Durante a presentación d’a moción a os medios de comunicación, Alberto Cubero ha sinyalau que Zaragoza en Comuna fa “un llamamiento a os vecins y vecinas de Zaragoza a secundar as movilizaciones d’o sabado 17 de marzo, pa que tornen a estar masivas como l’han estau as ultimas convocatorias de pensionistas u a Huelga Feminista d’o 8 de marzo”.

D’atra man, a moción replega una serie de medidas que guarencien un sistema de pensions publico como recuperar a edat legal de chubilación a os 65 anyos, eliminar qualsiquier tipo de desgravación y privilegio a os plans privaus de pensions y eliminar o tope maximo a las cotizaciones d’os salarios mas altos sin que ixo supose un aumento d’a pensión maxima.

Cubero s’ha referiu amás a o veto, ahiere 13 de marzo, por parte d’a Mesa d’o Congreso d’os Deputaus -an PP y Cs tienen mayoría- a una iniciativa presentada por o grupo confederal d’Unius Podemos pa revalorizar as pensions. O concejal de ZeC ha afirmau que “hue toca recriminar l’actitut de PP y Ciudadans ahiere en o Congreso ya que una vez mas, a dreita s’unió ta que os nuestros pensionistas sigan tenendo unas pensions de miseria”.

Cubero ha sinyalau que son decenas as iniciativas vetadas congreso por PP y Ciudadans y ha qualificau de “bajeza democratica” a paralización d’o debat y l’actividat politica por parte d’istas dos formacions.

Texto d’a moción

“Istas zagueras semanas milars de pensionistas s’han movilizado en o conchunto d’Espanya de traza masiva baixo dos lemas ‘Contra as pensions de miseria’ y ‘En esfensa d’o sistema publico’. Istas movilizaciones se succeden dimpués d’a miserable puyada d’o 0,25% imposada por o Gubierno o PP, que suposa un nuevo y duro truco a o poder adquisitivo d’as personas que perciben una pensión y que veyen como o coste d’a vida s’encarece en muita mayor medida d’o que puyan as pensions.

As politicas d’austeridat imposadas dende fa anyos han aumentau o desemplego y han precarizado o treballo, afectando de pleno a os ingresos d’o sistema publico de pensions. No somos debant d’un problema tecnico ni demografico como quieren fer-nos creyer, ye un problema de prioridatz politicas. As pensions son un dreito que as personas treballaderas se ganan dimpués de toda una vida treballando, ixe dreito hue quiere estar arrebatado por o Gubierno de Rajoy, dende el qual se lanza una consigna “cal cabidar y ubrir plans de pensions privaus”.

No les importa que sía imposible pa o poder adquisitivo d’a immensa mayoría d’a ciudadanía, encara que tienen claro que ye necesario pa mantener y aumentar o negocio millonario d’as
grans interpresas d’o sector, a costa d’o risgo t’os estalbios de qui os contratan.

Por ixo o Pleno d’o Concello de Zaragoza ALCUERDA:

1.- O Pleno d’o Concello de Zaragoza respalda tanto as movilizaciones de pensionistas succedidas en o conchunto d’Espanya como as suyas reivindicacions, especialment a esfensa d’o poder adquisitivo y o suyo revalorización en relación a o lPC.

2.- O Pleno d’o Concello de Zaragoza insta a o Gubierno d’Espanya a guarenciar un sistema publico digno de pensions adoptando as siguients medidas:
a) Recuperar a edat legal de chubilación a os 65 anyos.
b) Eliminar qualsiquier tipo de desgravación y privilegio a os plans
privaus de pensions.
c) Eliminar o tope maximo a las cotizaciones d’os salarios mas altos sin que ixo supose un aumento d’a pensión maxima”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies