O Conceller de Vivienda y Esporte d’o Concello de Zaragoza, Pablo Hijar, participa iste chueves 19 d’abril en Madrit en a chornada “Dreito a la Vivienda: limites y alternativas d’a politica municipal”, organizada por o Grupo Municipal d’Ahora Madrid. Allí exposará as politicas de vivienda que Zaragoza en Común ye levando a cabo en o consistorio zaragozano dirichidas a o creiximiento d’o parque de vivienda social y a atender a emerchencia habitacional en a capital aragonesa.

Ista chornada analisará a lo largo de quatro mesas, en el qual participarán movimientos socials, asociacions vecinals de Madrit y representants institucionals, as limitacions imposadas por a legislación estatal y por as politicas de vivienda d’o Gubierno d’o Partiu Popular expresadas en o Plan Estatal de Vivienda, as alternativas que dende as plataformas pro-vivienda y as administracions locals se son desembolicando pa denunciar istas limitacions y guarenciar o Dreito a la Vivienda y por zaguer, as necesidatz d’a ciudadanía.

A chornada contará, amás, con as intervencions, entre atros, de Javier Burón, Gerente de Vivienda d’o Concello de Barcelona; Pablo Carralero, Chefe de Gabinete de l’Aria de Gubierno de Desembolique Urbano Sostenible d’o Concello de Madrit; Lucía Martín, deputada d’En Comú-Podem en o Congreso; Luis Sanmartín, portavoz d’a Lei de Vivienda PAH; Irene Escorihuela, Observatorio DESC y representants d’a Federación Rechional d’Asociacions de Vecins de Madrit, a Cooperativa Entrepatios y a Plataforma Nuevo Modelo Enerchetico.

Zaragoza: aumento d’o parque de vivienda social y atención a la emerchencia habitacional

Pablo Hijar participará en a tercera sesión “Alternativa dende lo local: vivienda, urbanismo y fiscalidat”, en el qual s’abordarán as ferramientas enchegadas por os concellos pa fer frent a las limitacions estatals en materia de politica de vivienda. Hijar explicará allí todas dos linias prencipals en politica de vivienda de Zaragoza en Común: l’ampliación d’o parque de vivienda social y o ficacio a la emerchencia habitacional, a traviés d’a Oficina Municipal de Vivienda d’o Concello de Zaragoza. Amás, proximament se desembolicará un programa especifico pa mediar en casos d’ocupación de viviendas propiedat d’entidatz bancarias.

Dende mayo de 2015, o parque municipal d’alquiler social ha aumentau de forma muit important en un 42%. D’as 1535 viviendas socials a comienzo de lechislatura, a las 2.183 actuals, iste creiximiento indica que una de cada quatro viviendas socials municipals han estau incorporadas entre istes tres anyos de gubierno de Zaragoza en Común. As estratechias pa l’augmento d’o parque son o programa de captación de viviendas “Alegra a tuya vivienda” y a conversión de VPO d’alquiler en viviendas d’alquiler social, a o que caldrá sumar en un futuro cercano a promoción de mas de 300 nuevas viviendas en os proximos 3 anyos.

Por lo que fa a l’atención d’emerchencia habitacional; en l’anyo 2017, a Oficina Municipal de Vivienda d’o Concello de Zaragoza medió en 272 casos en el qual i heba risgo de desahucio: 199 correspondeban a impagos de l’alquiler y 73 a deuda hipotecaria. Totz os casos recibioron alternativa habitacional u alcuerdo.

Ciudatz contra a burbuja de loguer

Situacions como as atendidas por a Oficina Municipal de Vivienda de Zaragoza y de traza mas grieu en atras ciudatz espanyolas indican un chiro en as situacions d’impago, acrecentándose en os casos de loguer. Movimientos socials y municipios levan anyos denunciando una nueva burbuja especulativa en o loguer destinada a enriquir a os grans propietarios, bancos y fondos, con a complicidad d’o Plan Estatal de Vivienda d’o PP.

En iste sentiu, fa dos semanas Pablo Hijar participó, chunto a representants d’atras siet ciudatz y d’o grupo parlamentario confederal Unius Podemos, en a presentación d’una Propuesta de Lei ta modificar l’actual Lei d’Arrendamientos Urbans y privar os pres abusivos en os loguers, dar estabilidat a las unidatz de convivencia en os suyos domicilios y protecher o dreito a una vivienda digna, d’a especulación. Entre atras medidas, ista iniciativa proposaba a posibilidat d’aumentar a duración d’os contractos d’arrendamiento de 3 a 5 anyos y que os municipios puedan declarar arias urbanas de mercau de vivienda tensionado (AUMVT) en el qual se regulen os pres temporalment y d’alcuerdo a uns criterios.

Ista iniciativa estió vetada por PP y Cs a semana pasada. “Lamentamos o veto de totz dos partius y denunciamos o suyo alcuerdo pa mantener una inversión ridicla en materia de vivienda. cal sinyalar que en 2018 o Ministerio de Fomento dedicará 446 millons d’euros pa las politicas de vivienda, mientres que os beneficios fiscals pa las SOCIMIS plegarán dica 260 millons d’euros. Zifras que contrimuestran que Espanya se troba realment a la coda d’Europa en dreito a la vivienda y achugando por a especulación en o luguer” ha sinyalau Pablo Hijar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies