Seguimos abanzando en o cumplimiento d’o nuestro programa de transparencia. Hue o Gubierno Municipal ha aprebau o prochecto de reglamento d’a Oficina Municipal contra o Fraude y a Corrupción. Contino queda ubierto un plazo de 15 días ta que os grupos municipals puedan realizar alegaciones. O dictamen habrá d’estar aprebau posteriorment en a Comisión d’Economía, antes d’elevar-lo a Pleno pa la suya aprobación inicial.

Iste texto ye fruto d’a participación, ya que se mantenioron diferents reunions de treballo con entidatz socials y colectivos ciudadans pa la elaboración de l’anteproyecto y posteriorment s’ha sozmetiu a consulta publica a traviés d’a web municipal. a intención agora ye buscar o consenso d’os grupos municipals pa la suya aprobación.

Con a enchegada d’ista oficina queremos contribuir a o control y a prevención d’o fraude y a corrupción en l’ambito municipal y aduyar a que a ciudadanía recupere a confianza en as institucions publicas.

A Oficina Municipal contra o Fraude y a Corrupción se plantea como un órgano independient, con autonomía funcional, que dependerá d’o Pleno y que actuará sobre tot o Concello, incluius os organismos autonomos y sociedatz municipals.

A suya función será a d’alertar y investigar l’uso ilicito de fondos publicos, as situacions d’incompatibilidad y conflictos d’intréses u os casos en el qual i haiga un aprovechamiento privau d’información Amás tendrá una función preventiva, evaluando arias de risgo y empentando códigos de buenas practicas que fomenten a etica publica, a transparencia y a integridat de cargos y emplegaus publicos.

A oficina estaría la encargada de chestionar o Rechistro de declaracions patrimonials y d’actividatz, podendo investigar os incrementos de patrimonio d’os cargos publicos con informe motivado que lo chustifique. Tamién chestionaría o nuevo Rechistro de lobbistas y lobbies.

O prochecto de reglamento aprebau replega que a o frent d’ella i habrá un director u directora, que habrá d’estar una persona de reconoixida trayectoria democratica y de prestigio y que no podrá estar afiliada a garra partiu politico, sindicato u asociación empresarial. O nombramiento será proposau por o Gubierno y aprebau por tres quintas partes d’o Pleno.

O director u directora contará con l’emparo d’un Consello Asesor, componiu por un maximo de cinco vocals designaus por mayoría de tres quintos d’o Consello d’a Ciudat entre personas de reconoixida trayectoria en la luita contra a corrupción. Amás, pa o suyo funcionamiento a oficina disposará de personal funcionario seleccionau por medio d’o sistema de concurso de mérito especifico.

O texto replega que o director d’a oficina podrá ubrir una investigación d’oficio u porque se lo solicite o Pleno (a propuesta d’una comisión plenaria, de l’alcalde u como conseqüencia d’una comisión d’investigación). Actuará por iniciativa propia quan en analisar arias de risgo considere que cal realizar una inspección u quan i haiga una denuncia externa que, dimpués d’estar estudiada, present indicios razonables de veracidad.

En iste sentiu, o prochecto de reglamento contempla que qualsiquier persona podrá dirichir a la oficina pa comunicar presuntas practicas fraudulentas, conductas ilegals u corrupción. Se preservará a suya confidencialidat y a d’as actuacions que denuncie por medio de l’aplicación d’o estatuto d’o denunciante de buena fe. En iste sentiu, no s’admitirán denuncias anonimas. Quan concluiga a suya investigación o director d’a usina informará a l’órgano competent pa que adopte medidas. Caso que i haiga presuntas conductas delictivas, lo comunicará a o fiscal u a l’autoridat chudicial.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies