O martes 16 d’aviento a las 19:00 en o CC Delicias tendrá puesto una nueva asambleya con o siguient Orden d’o Día:

1.Decisión sobre a forma churidica de Ganemos Zaragoza

En a chornada d’o sabado s’estió treballando sobre 3 formas posibles (agrupación d’electors, coalición electoral y partiu) buscando as avantallas y adequacions a cadaguna d’as formas ta que cumplan as fins y requisitos allí marcaus.
S’adchunta l’alcuerdo d’a chornada que se sozmete a decisión y as avantallas y adequacions a cadaguna d’as formas.

Toma de decisión

2.Esleción d’o método de selección de listas (primarias).

Presentación d’a propuesta resultant d’a chornada d’o pasau sabado.

Ratificación punto a punto fueras d’o nº 5 y o nº 10 dau que l’alcuerdo no estió por consenso en a chornada.

  • Respective a o punto 5: Explicación d’a esmienda presentada por José Vitoria. Toma de decisión sobre iste punto
  • Respective a o punto 10: No i habió consenso a iste respecto en a chornada (votación 15 a 7). Propuesta que s’incluiga a esleción d’os miembros d’a comisión por sorteyo. Toma de decisión.

Por qüestions de calendatas y dau que tenemos os nadals dencima y a siguient asambleya no sería dica l’anyo venient (14 de chinero), y o luns 22 d’aviento, en caso de ratificar a propuesta, debe empecipiar o periodo d’inscripción en o censo y o de presentación de candidaturas, ye necesario resolver istas dos qüestions, prou tecnicas y derivadas de lo treballau mientras tot o proceso y alcordau en a chornada d’o 13.

  • Propuesta de reglamento d’esleción de candidatos.
  • Esleción d’a Comisión Electoral: 7 miembros. Se decidirá en l’asambleya si ye por sorteyo u por votación. Si i hai personas intresadas en presentar que lo ninvie t’o correu d’a [email protected], a l’encieto de l’asambleya a las personas de facilitación u en o momento que se tracte iste tema en o subpunto. Ta conoixer os quefers d’a comisión Electoral veyer reglamento (veyer articlo 10 d’o Reglamento).

3.Informacions varias d’os grupos de treballo (seguntes se vaiga de tiempo con os puntos anteriors):

  • Metodolochía y participación: programa colaborativo (sectorial, vicos y on line).
  • Código etico.
  • Relación con fuerzas politicas.

4.Ruegos y preguntas

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies