Iste maitín s’ha sinyau un alcuerdo entre o President d’Aragón, Javier Lambán y l’alcalde de Zaragoza, Pedro Santisteve sobre o texto d’a Lei de Capitalidat y a suya cuantía economica, con o compromiso que totz dos treballarán pa fer posible l’emparo d’as formacions politicas necesarias pa l’aprobación d’ista lei.
Dimpués de 20 anyos, Zaragoza va a contar por fin con Lei de Capitalidat.
O texto replega o prochecto de Lei abordau en l’anterior lechislatura, que contó con o consenso d’o PP, PSOE y CHA. O gran grueso d’a lei se corresponde con o texto anteriorment treballau, exceptuando aquells aspectos declaraus como inconstitucionals por o TC en a suya sentencia sobre a RASAL.
Ye un alcuerdo centrau en a salvaguarda de l’autonomía local pa fer frent a os convenios que dan cobertura a os servicios ampraus por o Concello pero que son competencia d’a Comunidat Autonoma. Queda, en ista cuantía, excluída la encomienda de chestión d’a Lei de Dependencia. Sí abarca os siguients: Escuelas infantils, Educación y Servicios Socials entre atras.
Asinas, a lei de Capitalidat facilitará una millora d’as competencias ampradas por o Concello y i hai un compromiso d’amillorar a labor en relación a las Competencias Impropias que s’ampran.
a cuantía habrá de tener reflejo en o presuposau d’o Gubierno d’Aragón de 2017 y aconsigue os 8 millons en fondo de capitalidat (que aumentarán en función d’o que aumente o presuposau de DGA) y 13,5 pa competencias impropias que irán puyando a razón d’1,5 a l’anyo. Quasi 100 millons en 4 anyos.
Ye a millor lei de capitalidat que puede aconseguir en istes momentos por todas dos institucions, adaptada, amás, a la realidat economica de todas dos administracions.