Hue os portavoces de servicios publicos d’os Grupos Municipals de Zaragoza en Común, PSOE y CHA han manteniu a primera reunión pa abordar a remunicipalización de parques y jardines, a partir de los informes economicos y churidicos con el qual ya contamos.
En a reunión, tanto CHA como PSOE han amostrau os suyos dubdas respective a qüestions concretas de los informes que tractaremos d’ir resolvendo antes de la votación. Pero de momento ni PSOE ni CHA han amostrau dubdas sobre o fondo de l’afer (a remunicipalización), solament sobre qüestions tecnicas. Lo important en este tema ye que i haiga voluntat politica y a o menos en a reunión tanto Zaragoza en Común como CHA han explicitado ista voluntat.
A nuestra intención ye que se pueda encetar o proceso de remunicipalización de parques en o pleno de chunio. Caso que a nuestra propuesta no reuna a mayoría necesaria, procederemos contino a encetar o proceso de licitación, ya que o que tenemos claro ye que no imos a prorrogar o contracto con FCC.
Zaragoza en Común tenemos muit claro que a remunicipalización de parques aconseguiría un servicio de mayor calidat y mas barato (2,8 millons a l’anyo d’estalvio). Sisquiera proximament ista achuga sía una realidat y sía o comienzo d’un mayor entendimiento entre PSOE, CHA y ZeC pa poder aplicar politicas de cuchas en beneficio d’a mayoría social. Manimenos, no somos inchenuos y somos conscients que actualment ye muit complicau aconseguir l’emparo d’o PSOE a la remunicipalización, pero lo imos a intentar y no imos a deixar de tender-le a man.