Os grupos municipals de Zaragoza en Común, PSOE, Ciudadans y CHA han aprebau a obridura d’expediente pa alcordar o cambeo de modelo de chestión de parques y chardins. Solament o Partiu Popular no ha emparau encetar iste procedimiento administrativo.
De momento ya contamos con informes inicials tanto churidicos como economicos que nos amuestran a viabilidat d’a remunicipalización de parque. Agora tamién contamos con una mayoría en o Pleno que s’amuestra partidaria d’a remunicipalización a costa d’a elaboración de los informes a el qual obliga a lei.
Este paso yera fundamental porque si no i heba voluntat politica d’o Pleno pa emparar a remunicipalización no mereixeba a pena seguir con o proceso administrativo.
Asperamos que os grupos que han emparau a obridura de l’expediente mantiengan o suyo emparo a la remunicipalización en o caso que los informes preceptivos sían favorables. Y habrían d’estar favorables porque a remunicipalización ye sobre tot una qüestión de voluntat politica y se ye contrimostrando que quan existe ista voluntat legalment ye posible y asinas lo contrimuestra a remunicipalización de l’augua en Valladolid u atras remunicipalizaciones que ye habendo en ciudatz como Madrit, Barcelona u Cádiz.