O Gubierno Municipal ha tresladau a o Real Zaragoza a suya propuesta de convenio pa o fomento d’o futbol base d’a ciudat. O borrador de convenio planteyau ye ubierto a las aportacions y sucherencias d’o Real Zaragoza, siempre con as guarencias que a inversión se diriche a o fomento d’o futbol base en a cudiatz, y no como subvención encubierta t’a Sociedat Anonima Esportiva.
Tal como ha explicau Pablo Híjar, este ye o criterio manifestau dende o primer momento por o Gubierno Municipal pa suscribir un posible convenio que reforce a important inversión que ya realiza o Concello a traviés d’o ret de campos municipals de futbol.
En iste sentiu, Pablo Hijar ha recordau que Zaragoza ye a ciudat espanyola que mas invierte en l’emparo a o futbol base, con mas de 2 millons d’euros cada anyo pa o ret de campos municipals de futbol, que con os suyos 28 instalacions ye una referencia a nivel nacional.
As propuestas planteyadas por o Gubierno Municipal en o borrador de convenio con o Real Zaragoza son:
– Dos Campus de futbol base en cadagún d’os periodos de vacancias escolars (verano y Nadal). O Concello respaldaría economicament istes campus y guarenciaría a participación de ninos y ninas sin recursos, en colaboración con os servicios socials municipals.
– Chornadas de Tecnificación en 14 campos municipals de futbol, con a colaboración d’os clubs que chestionan istas instalacions y a participación d’os chugadors d’o Real Zaragoza.
– Campaña de sensibilización contra a violencia en o esporte, con a presencia de chugadors d’a primera plantilla d’o Real Zaragoza en os campos municipals de futbol, sin ineterferir en as suyas obligacions profesionals.
– Organización de 80 actos con coloquios en colechios publicos d’a ciudat, con chugadors d’a primera plantilla d’o Real Zaragoza.
– Accions pa o fomento d’o futbol femenino, en colaboración con os clubs federados en categoría femenina.
– Mesa a la disposición d’un numero por determinar de dentradas pa os partius d’o Real Zaragoza en o Estadio municipal d’a Romareda, pa os ninos y ninas d’os colechios publicos d’a ciudat y d’os clubs que chestionan os campos municipals de futbol.
– Mesa a la disposición d’o estadio municipal d’a Romareda pa la Federación Aragonesa de Futbol pa la disputa d’as distintas finals de a Copa Aragón en categorías base.
– Colaboración entre o Concello de Zaragoza y o Real Zaragoza pa la utilización conchunta d’a imachen corporativa de todas dos institucions, a encorporación de publicidat d’a sociedat Zaragoza Deporte en o estadio municipal d’a Romareda y a colaboración pa la difusión d’actividatz de Zaragoza Deporte a traviés d’a suya Boletín Dichital, pachina web, retz socials, etc.