L’Observatorio de Literatura Infantil y Chuvenil proposa un calandario d’actividatz permanents que potencian o fomento d’a lectura, a creación literaria, o desembolique y a investigación d’as nuevas formas d’expresión d’a literatura infantil y chuvenil.

Ditas propuestas se planteyarán ta publicos de todas as edatz, de traza que l’Observatorio aspira a convertir en un referent en o panorama aragonés y asperamos que muito mas enta allá: Tallers d’escritura pa pais, mais y pa ninos, d’edición literaria, creación de libros dichitals, nuevas tecnolochías aplicadas a la narrativa, charras, mesas redondas y conversacions con reconoixius autors d’a literatura infantil y chuvenil; han estau belunas d’as actividatz desembolicadas dica a calendata por l’OLIJ.

Una de las achugas fundamentals d’OLIJ será a de dedicar recursos pa os mas chicotz a traviés d’innovadoras campanyas de fomento a la lectura, tallers creativos y l’uso d’as nuevas tecnolochías, como guarencia pa una sociedat millor y un futuro mas optimista, en especial, en tiempos de crisi tanto economica como d’ideyas.

L’Observatorio de Literatura Infantil y Chuvenil pretende consolidar como un espacio ubierto de trobada permanent con qualsiquier persona intresada en a literatura pa os mas chovens y a creatividat en as suyas diferents manifestacions: dende autors y profesionals de reconoixiu prestigio, dica docents y educadores, librers, gestores culturals, achencias literarias, bibliotecas, editorials, estudiants d’arte y literatura y o publico en cheneral.

L’Observatorio será un punto de trobada pa ninos de zero a cient anyos con un marcau esprito ubierto y integrador.

L’Observatorio de Literatura Infantil y Chuvenil ha dau un paso enta debant y s’ha constituiu como una asociación cultural sin ánimo de lucro representada por una chunta multidisciplinar: profesors, docents, autors, bibliotecarios, librers. A partir d’o momento d’a constitución de l’asociación, qualsiquier persona intresada en perteneixer u asociar a l’Observatorio LIJ podrá fer-lo, dau que o prochecto pretende estar una iniciativa ubierta y colaborativa.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies