O Gubierno Municipal ha anunciau iste maitín a modificación d’os consellos d’administración d’as Sociedatz Municipals en cumplimiento d’a Lei de capitalidat. Pablo Muñoz, portavoz d’o Grupo Municipal de Zaragoza en Común afirma que a ciudat ye a resguardo d’os intentos de bloqueo politico.

O Gubierno de Zaragoza s’ha constituiu como chunta cheneral d’as diferents sociedatz municipals, modificando a composición d’os consellos d’administración d’as mesmas (Ecociudad, Zaragoza vivienda, Zaragoza Deporte y Zaragoza Cultural) d’alcuerdo con a Lei de Capitalidat. A partir d’iste momento, o gubierno tendrá a mayoría d’os suyos miembros mientres que cada grupo municipal será representau por un miembro.

Pablo Muñoz, portavoz d’o Grupo Municipal de Zaragoza en Común, ha realizau una valoración politica d’ista decisión y ha explicau que dende as fuerzas progresistas existiba un consenso en que Zaragoza heba de tener un rechimen de chestión similar a atras grans ciudatz y institucions como por eixemplo o Gubierno d’Aragón. Con o cumplimiento d’a Lei de Capitalidat, “os órganos de gubierno ya son a representación d’o gubierno de Zaragoza”, ha aclariu Muñoz.

O concejal ha sinyalau que existiba una anomalía entre as funcions de gubierno y a politica d’as sociedatz municipals. Muñoz ha afirmau que con ista modificación d’os consellos d’administración, “a ciudat ye a resguardo d’os intentos de bloqueo politico”.

Pedro Santisteve torna a la presidencia d’Ecociudad

Una d’as razons prencipals que han provocau ista decisión ha estau l’actual situación d’a sociedat municipal Ecociudad Zaragoza. Con l’aprobación d’ista modificación d’os consellos d’administración, Pedro Santisteve ye dende ista maitín president d’Ecociudad, quedando cesada a concejala d’o PP María Navarro y Alberto Cubero desempeñará a vicepresidencia. En os proximos días s’irán tomando decisions como o cese d’o gerente Miguel Ángel Portero y o nombramiento d’un de nuevo que goce d’a confianza d’o gubierno.

Pablo Muñoz ha destacau que a sociedat municipal torna a la normalidat y se mete fin a o bloqueo d’as politicas de chestión publica y transparent de l’augua. Muñoz ha afirmau que entre as primeras medidas que se van a enchegar dimpués d’a tornada de Zaragoza en Común a la presidencia d’EZ destaca a recuperación d’o decalogo pa una nueva Ecociudad, presentau por ZeC o pasau mes de chunio.

En a resta de sociedatz tamién i habrá novedatz proximament, como o desbloqueo de Pontoneros que una vez mas estió refusau ahiere por o PSOE.

Fin de l’uso partidista d’a chestión de l’augua

Zaragoza en Común ha denunciau en numerosas ocasions a lo largo d’os zaguers meses l’uso partidista y d’enfrentamiento d’a presidencia d’o PP en a sociedat municipal.

En menos de mes y medio y dende que o pasau 28 d’aviento a fiscalía archivara a denuncia mesa por o consello d’Administración d’Ecociudad contra l’alcalde Pedro Santisteve y os anteriors consellers Teresa Artigas y Alberto Cubero, s’han produciu una serie de feitos que han obligau a o gubierno d’a ciudat a actuar y tomar medidas urchents pa tractar de solucionar os grieus problemas que ha provocau a pesima chestión d’o gerente d’a sociedat municipal, Miguel Ángel Portero.

O 9 de chinero se constata que FCC sigue incumpliendo o pliego de condicions d’a contrata d’alcantarillado, ya que viene pagando a os suyos treballadors 300 euros menos a o mes y rebaixando en 6 días os suyos festivos, manimenos a clausula social que prohibe ixa practica. Ecociudad, dende que Zaragoza en común no tenese a presidencia, no habría tornau a fer cosa permitindo a situación. S’exichioron nuevas sanciones a FCC, incluindo a rescisión si yera necesario, sin que i hese respuesta d’a presidencia y a cherencia. O 25 de chinero, y debant d’a falta de respuesta por parte de l’adreza d’Ecociudad, os treballadors se manifestoron a las puertas d’a sociedat.

O 23 de chinero, os Consellers de Zaragoza en Común en Ecociudad solicitoron a convocatoria d’un consello extraordinario pa que se pedisen disculpas publicas a l’Alcalde d’a ciudat y a totz dos consellers denunciaus a la Fiscalía y pedindo o cese d’a Presidenta d’Ecociudad María Navarro y d’o Gerente asinas como a no renovación d’o letrado asesor. María Navarro se comprometió publicament a convocar o consello en 15 días sin que i haiga habiu noticia beluna.

O día 26 se produz una gravísima avería, provocada por un deficient mantenimiento, en as instalacions d’a depuradora de l’Almozara que tardará en recuperar a suya normal actividat entre 5 y 6 meses. Manimenos o compromiso d’emitir un informe entre ixe cabo de semana con detalle de lo succediu, en dos semanas no existe encara un informe oficial relatando lo succediu, os suyos causas, una rigorosa valoración d’os daños, o tiempo de reparación y o suyo coste. Debant de dito accident, o pasau día 7, consellers de Zaragoza en Común en a sociedat municipal Ecociudad visitoron la planta de depuración d’a Cartuja pa conoixer de primera man o estau actual d’ista planta. En a suya visita, troboron maquinaria estorbada sin reparar, mas d’a metat d’os decantadores inutilizado y presenciaron mediciones de sedimentos muit por alto d’os parámetros de diseño y d’o limite legal.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies