Dos orquestas sinfonicas, dos orquestas barrocas y de mosica antiga, un coro (con versión adulta, chuvenil y infantil), dos orquestas de mosica contemporania y unatra d’aire, son a partir d’agora orquestas residentes de l’Auditorio de Zaragoza, dentro d’a convocatoria d’o Concello de Zaragoza y con o patrocinio d’Industrias Quimicas de l’Ebro.
Entre os suyos obchectivos, istas residencias quieren emparar a grupos locals, incentivar a producción artistica local y a formación y investigación en o campo d’a mosica clasica, asinas como contribuir a consolidar salidas profesionals u semiprofesionales a os músicos y cantantes locals, entre atras cosetas, contribuir a o suyo desembolique creativo y profesional y chenerar nuevos prochectos mosicals en un Auditorio pero ubierto y sostenible.
A selección ha estau a traviés de prochectos valorados por un churau de personas expertas que alcordó por unanimidat proposar a concesión de Residencias Artisticas Mosicals en l’Auditorio de Zaragoza a las siguients formacions mosicals:
– Al Ayre Español.
– Orquesta Sinfonica Goya
– Os Músicos d’o suyo Alteza.
– Orquesta de Camera Grupo Enigma.
– Coro Amici Musicae.
– Orquesta Sinfonica Reino d’Aragón.
– Ensemble Bayona.
– Wind Orchestra Zaragoza
Os prochectos d’as agrupacions residentes de l’Auditorio contarán pa iste anyo por primera vez con un presupuesto de 310.000 euros (230.000 euros d’a Sociedat Zaragoza Cultural y 80.000 euros d’Industrias Quimicas de l’Ebro) amás d’a suya instalación en o propio Auditorio de Zaragoza.