[addtoany]

L’auditoría encargada a l’encieto d’a lechislatura reveló que os servicios publicos municipals yeran dotaus con 55,4 millons d’euros menos d’el qual realment s’amenesteban ta cubrir o coste real d’o servicio a lo largo de l’anyo. Ista situación afectaba a la replegada de residuos y limpieza publica, suministro d’augua a la ciudat, enerchía electrica, transporte, o plan de choque contra a crisi u o control d’os pabellones esportivos, entre atros.

Nos comprometiemos alavez a absorber ixa deuda a lo largo d’os quatro anyos de lechislatura pero hemos aconseguiu fer-lo en solament dos anyos y meyo. L’ha feito dotando os servicios municipals con mas presuposau d’o necesario ta cubrir o coste anual, con modificacions de credito y sin realizar garra retalle en a prestación.

O Concello ha pagau mas de 64,7 millons d’euros en dos anyos y meyo pa saldar as deudas millonarias que arrocegaba con as grans contratas de servicios publicos y as conseqüencias chudicials d’ixas deudas. 55,4 millons d’euros corresponden a la deuda que se descubrió en 2015, a l’encieto d’a lechislatura, y a resta a os intréses de demora por o retardo en os pagos.

33,5 millons de deudas pagaus dica aviento de 2016

Ya en 2015 se realizoron modificacions de credito en o conchunto d’o presuposau municipal por importe de 13 millons d’euros encaminadas a ir pagando parte d’a deuda pendient de servicios como a enerchía electrica, o suministro d’augua u l’alumbrado.

En os presuposaus de 2016 se realizó un esfuerzo pa dotar correctament os servicios publicos municipals, de tal forma que se podesen pagar todas as certificaciones d’un anyo. D’iste modo, dica aviento d’ixe anyo s’heban pagau 33,5 millons d’euros y se deixó a zero os pagos acumulaus como o d’o suministro d’augua (4 millons), plan de choque contra a crisi (1,5 millons), transporte (7,2 millons) u teleasistencia (1,6 millons) entre atros servicios.

En 2017 s’han liquidado todas as deudas pendients reveladas en l’auditoría de 2015

Isto s’ha aconseguiu aumentando a dotación presupuestaria d’os diferents servicios y realizando modificacions de credito. D’ista traza, o Concello de Zaragoza ranca 2018 estando a o día en o pago d’os servicios publicos municipals.

Ista chestión economica ha estau posible tot y que o Concello ha habiu de pagar amás en istes dos anyos y meyo atros 97 millons d’euros en sentencias chudicials y intréses de demora por impagos de gubiernos anteriors. Buena parte d’ixe importe proviene de sentencias condemnatorias por o retardo en o pago de certificaciones de transporte y limpieza, por revisiones de pres u expropiaciones de suelos que se remontaban a 1997.

S’han pagau, por eixemplo, 10,8 millons d’euros por a sentencia de FCC sobre a revisión de pres d’a limpieza d’os anyos 2011 y 2012 u 21,5 millons d’euros por a sentencia de Tuzsa por a revisión de pres y certificaciones d’o transporte tamién de 2011 y 2012 (d’ells, 5,4 millons corresponden a intréses de demora).

Os 97 millons d’euros s’han abonado con recursos propios pero tamién a traviés d’o Fondo d’Empento Economico (FIE). Manimenos ixo, a deuda municipal ha continau baixando y a zaguers de 2017 s’ha situau en 722 millons d’euros, frent a os 828 millons de deuda que i heba a l’encieto d’a lechislatura. Amás a ratio d’endeudamiento ha baixau dica 100% frent a o 123% en que se situaba en 2015.

O saniamiento d’as cuentas municipals ha permitiu tamién salir d’o Plan d’Achuste cinco anyos antes de lo previsto. O rebaixar a deuda contraída con os bancos y no estar sozmetiu a las medidas de contención d’o Gubierno espanyol van a fer posible que en 2018 o Concello de Zaragoza pueda acudir a financiación externa por primera vez en siet anyos pa poder realizar mas inversions y que sía en millors condicions pa renegociar atros creditos, obtenendo intréses mas baixos.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies