Un anyo dimpués que o Gubierno Municipal aprebase a remunicipalización d’o 010 y a CEOE lo recurriera debant d’a Chusticia, s’ha desbloquiau o solo escollo que impediba que a decisión difuera efectiva: a subrogación d’as treballadoras. O Chudgau de lo Social ha resuelto que existe relación laboral entre o concello y a plantilla d’o 010, estimando la demanda que presentoron as propias treballadoras. Si isto s’hese aprebau fa mas d’un anyo s’hese privau tot iste periplo t’as 14 treballadoras.

Asinas, a chusticia avala una decisión que hemos levau ya a votar dica en tres ocasions dende fa mas d’un anyo a o pleno municipal, todas ellas refusadas por PP, PSOE y Ciudadans, qui plegoron mesmo a bloquiar o presuposau municipal de l’anyo pasau. Ista resolución d’o chudgau, igual que recientment en Valladolid con a chestión de l’augua, contrimuestra o que siempre hemos esfendiu: a remunicipalización d’os Servicios Publicos y a reversión d’a privatización enta lo publico ye chusta y legal.

Con tesón y constancia, as treballadoras d’o 010 han estau a lo piet d’o canyón entre un largo anyo frent a la CEOE, que ha tractau de rebaixar-las. Un anyo en el qual se les ha acusau publicament de tot. Un anyo en el qual han estau mas tiempo sin cobrar que cobrando, plegando a acumular 5 meses de retrasos en o cobro d’o suyo salario. Un anyo con una huelga indefinida. Un anyo en el qual han seguiu amprando de forma excelent o servicio manimenos a suya precaria situación. Un anyo de resistencia y un anyo de dignidat. Un anyo que hue concluye con una victoria.

A partir d’agora o servicio será municipal, as treballadoras serán reconoixidas como treballadoras municipals dende l’1 de chulio de 2017 en a categoría d’indefiniu no fixo y cobrarán as suyas nominas atrasadas dende o menuto un y puntualment cada mes.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies