Articlo de Pedro Santisteve Roche sobre o papel d’a chusticia en o 010, publicau o viernes 28 de chulio en a Tribuna de l’Heraldo d’Aragón.

<<Un companyero y excelent churista de l’Area de Filosofía d’o Dreito Moral y Politica d’a Facultat de Dreito de Zaragoza, o profesor García Inda, estudioso de Pierre Bordieau, en referir a las funcions diversas que desempeñan os operadores churidicos (advogaus, chueces, fiscals, procuradores, profesors de dreito, etc.) en o campo d’o dreito, indicaba, con acierto, que se produz una forma sutil de división d’o treballo de dominación simbolica en a quala os adversarios, obchectivament cómplices, se sirven mutuament.

L’analís d’a mía experiencia profesional; en a quala he compaginado entre quasi 25 anyos a labor d’advogau penalista con a divulgador d’o dreito como profesor asociau en a Universidat, m’ha levau a coincidir con a visión de Bordieu. Referir a os operadores churidicos Bordieu sinyala: existe un poder social depositau en ixes profesionals y achents que, en tanto manean o discurso d’o poder, son tamién tecnicos d’ixe mesmo poder. a especial posición d’o discurso churidico pa construir realidat u una determinada visión d’o mundo social suposa tamién una contribución a una determinada forma de dominación politica.

A mía decisión de participar en a candidatura ciudadana Zaragoza en Comun, que me levaría finalment a encabezar a lista electoral y estar esleiu alcalde d’a mía querida ciudat, suposaba enfrentar una dificil pregunta, d’orden teorico como practico: si o campo d’o dreito daba chugo a l’efecto d’ixa luita por o cambio que requeriba a Espanya d’o verano de 2015 u bien caleba baixar a l’arena “politica” como espacio dende el qual afrontar ixas transformacions tant necesarias pa uns tiempos que han provocau un duro sacrificio y sufrimiento a las chents d’o nuestro lugar.

Y en ista dificil posición d’ex-churista (adversario pero cómplice) dedicau a la politica me trobo quan se planteya, a tornadas d’o conflicto d’o 010, una polemica entre as criticas d’o Conceller d’o mío Gubierno, Sr. Cubero, a las resoluciones chudicials y a respuesta d’o President d’o TSJA, Sr. Bellido. Personas todas dos a el qual aprecio y admiro.

O Conceller Sr.Cubero mete o punto de mira en o problema d’as treballadoras: a estabilidat u quan menos a continuidat en os suyos puestos de treballo y l’incumplimiento contractual d’o pago d’os suyos salarios por a contraparte empresarial.

Por a suya parte, o President d’o TSJA cumple con a suya obligación de veilar por a independencia d’o poder chudicial, pa que l’órgano chudicial decisor, no se veiga sozmetiu a condicionamiento externos a la hora de tomar postura (encara que cal recordar que a decisión de mantener medidas cautelars heba estau tomada por a Chuez antes d’as manifestacions d’o conceller).

Qui tiene razón? Podríanos afirmar que un, o conceller va a o fondo de l’afer y reprocha a la chuez no haber dau solución a o problema d’o cobro d’os salarios d’as treballadoras y a inhibición d’as suyas obligacions por a parte empresarial y por unatra, o magistrado apela a las formas reprochando a o concejal o tono emplegau.

Constituir l’obchecto d’a controversia, ye dicir construir churidicament l’obchecto pa que sía abordada a suya solución por os autenticos especialistas, os expiertos, ye a misión que o Estau atribuye a os chueces.

Asinas pues, antes que se producise ixe zarre d’o conflicto por meyo d’una resolución chudicial firme, fació bien o conceller Cubero destacando que a necesaria racionalidad d’una decisión chudicial debia afrontar de forma decidida o problema planteyau d’o cobro mensual d’os salarios por as treballadoras?

Acaso -formas a parte- no podeba tomar as opinions d’o conceller como a suya contribución y/u aportación critica a ixe “constituir l’obchecto d’a controversia”, precisament pa que a “racionalidad” chudicial no pasase por alto lo pero esencial de l’obchecto d’a decisión?

Pensemos por un momento en as victimas d’os desahucios. Estió ista Administración Municipal, a o mes d’asumir o Gubierno d’a Ciudat, a que solicitó colaboración a os diferents operadores churidicos pa que a Oficina Chudicial facilitase información previa a o desaloixo pa que se privasen espectáculos tant indignos como as scenas que s’han prodigado entre anyos en as carreras d’iste país. Chitando a la carrera a familias con os suyos fillos menors.

Se preguntaba alavez o poder chudicial por ixe prencipio churidico tant manido, d’o “superior intrés d’o menor”? y por l’articlo 10 d’a Constitución que consagra a dignidat d’a persona como fin ultimo a salvaguardar por qualsiquier ordenamiento churidico? Tant sagrau yera o dreito de propiedat como pa causar con as suyas resoluciones tal descredito a l’ordenamiento churidico y a os propios chueces aplicadores d’o dreito? Yera necesario recurrir a os Tribunals Europeus pa que enmendaran tant inicua situación? No creigo que o conflicto de 14 buenas treballaderas haiga de rematar tamién en Estrasburgo.>>

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies