O pasau 3 de marzo estió asasinada Ruth Alicia López Guisao, defensora d’os Dreitos Humans y lideresa social colombiana, miembro d’o Congreso d’os Lugars y d’o Coordinador Nacional Agrario. Dende Zaragoza en Común expresamos o nuestro dolor por iste nuevo asesinato y a nuestra solidaridat y cariño a las suyas seres quiestos y companyers y companyeras.
En os zaguers 14 meses han estau asasinaus en Colombia mas de 120 liders socials y politicos. Mas de 20 d’istes asesinatos s’han produciu en o que levamos d’iste anyo 2017. Una esgarrifosa zifra que mete de manifiesto a grieu vulneración d’a vida y os dreitos humans de qui luitan activament por a construcción d’a paz en o país latinoamericán.
Ruth Alicia y a suya familia teneban dezaga un largo historial de menazas, persecución y desplazamientos por o suyo treballo y activismo comunitario, por parte de grupos paramilitars con estructuras estables. Pero a cadena de violencias contra os liders socials en Colombia ye mas larga y comprende no solament a os grupos armaus, sino a o propio estau colombiano y a la suya estructura chudicial, qui atentan contra a integridat d’as victimas.
Nos unimos a las voces que claman por o esclarecimiento d’os asesinatos, o de Ruth Alicia y totz y todas as activistas asasinadas, por a fin definitiva d’a violencia contra os liders socials colombians y por o compromiso real d’o gubierno de Juan Manuel Santos de cumplimiento de totz os acuerdos en materia de Dreitos Humans y guarencias de seguranza. a nuestra solidaridat con os movimientos socials y comunitarios colombians y con o suyo luita por una paz con chusticia social.