Iste maitín o Concello de Zaragoza y a Diputación Provincial de Zaragoza han sinyau o convenio pa barrios rurals por una cuantía de 9 millons d’euros.
Iste convenio, o mayor que s’ha sinyau nunca con 3 millons mas que l’anterior, ye pa realizar un plan d’obras pa infrastructuras y equipamientos en os vicos rurals entre os anyos 2017-2019.
Incluye amás, dos obras que no podioron realizar en l’anterior (o escarpe d’Alfocea y o saniamiento d’Avenida Constitución en Casetas).
Complindo una moción d’o pleno, o destín d’a cuantía será decidiu por vecins y vecinas d’os vicos.
Amás, s’han sinyau atros 3 protocolos de colaboración en extinción d’incendios (colaborando en a extinción de fuegos en a provincia si i hai disponibilidat pa ixo), en protección animal (acullindo a os animals que sían competencia d’a DPZ, aportando ista a parte de gastos correspondient) y en chestión de residuos, permitindo que totz os municipios d’a provincia puedan verter residuos en o centro de tractamiento de Zaragoza (CTRUZ), a cambeo que os costes de treslado d’os residuos no los asuma o Concello de Zaragoza, ye dicir, en as mesmas condicions economicas que a resta de vecins y vecinas d’a ciudat.