O grupo municipal de Zaragoza en Común ha presentau iste luns a solicitut de documentación que se requerirá pa la suya inclusión en o debat d’a Comisión d’Especial d’Ecociudad con l’obchectivo de tener a maxima transparencia sobre tot l’escayeixiu en a vida d’ista sociedat municipal. Entre os documentos requerius s’incluyen tamién todas aquellas obras u actuacions que no han de veyer con a depuración L’obchectivo ye aconseguir a maxima transparencia sobre tot l’escayeixiu en a vida d’Ecociudad.
Por parte de Zaragoza en Común se pretende revisar toda a chestión dende 2007, con especial ficacio en o periodo de 2013 a 2015 en el qual se produció l’ampliación de l’obchecto social d’a sociedat pa incluir a depuración. Tamién se quiere incluir en l’expediente d’a Comisión d’Especial que se creyará o proximo día 5 d’abril documentación sobre atros hitos como a obra d’o Centro d’Urbanismo y Sostenibilidad, l’adquisición de l’Edificio de REMAR en Roseras d’a Canal, a chestión d’as depuradoras d’a Cartuja y de l’Almozara y as cuentas d’a sociedat en cheneral.
Dende o grupo municipal se fa hincapié en que pa conoixer a fondo o present d’ista sociedat cal tener claridat sobre o que se fació en o pasau recient, en concreto entre l’anterior lechislatura. En iste sentiu, amás de todas as actas, expedientes, facturas, informes y documentos requerius, se reclamarán as comparecencias en siede municipal d’os anteriors presidents y vicepresidentes d’Ecociudad. Dende Zaragoza en Común se recuerda que os actuals cargos publicos municipals tienen obligación de compareixer en dita comisión especial.