Con l’obchectivo de chenerar un centenar d’emplegos pa personas en risgo d’exclusión, lanzamos o primer contracto d’obra en a historia d’o Concello a o que solament podrán presentar interpresas d’inserción.
Con iste contracto, que suposa una inversión de 3 millons en 2 anyos, materializamos nuestra achuga por a economía social y solidaria, fomentando un modelo economico mas democratico, sostenible y en el qual dengún se quede dezaga. O contracto s’ha dividiu en 3 lotes de 500.000 euros cadagún a l’anyo, dica aconseguir os 3 millons totals.
L’obchecto d’o contracto ye a renovación d’aceras, reparación y reposición de recholas, rebaixes y biselado de bordillos, pavimentos antideslizantes, rampas, alcorques vacíos, desbroce de cunetas, señalización d’escalones… Ye dicir, muitas chicotas actuacions en os vicos que amilloran a vida diaria d’as personas, especialment a d’aquellas que en o suyo día a día tienen mas problemas de mobilidat como ninos, ancianos, personas con discapacidad u personas que arrociegan carritos d’a compra u de bebés (y que afectan prinicipalmente a mullers por o que s’incluye a perspectiva de chenero en o desembolique de l’urbanismo).
Este modelo urbanistico, que clamamos l’urbanismo d’as cosas sencillas, s’enfrenta a o modelo expansivo de construcción y grans obras orichen d’a crisi economica y incide en a regeneración d’os vicos y a millora y o cudiau d’a ciudat.