Os días 25 y 26 de marzo teniemos una intensa chornada arredol d’a chestión publica de l’augua. O sabado por o maitín, Pedro Santisteve y Teresa Artigas recibioron a Laura Zúñiga, filla de l’activista hondureña Berta Cáceres, a un anyo d’o suyo asesinato. Por a tarde, a Caravana de l’Augua d’a RAPA plegaba a Zaragoza, finalizando o suyo recorriu de 17 días por tot Aragón, contra la estafa de l’imposau de contaminación de l’augua y d’o Plan aragonés de Saniamiento y Depuración.
En os días anteriors y a o suyo paso por Vicos Rurals, vecins, vecinas y miembros d’os Grupos Motors d’os vicos, recibioron a la Caravana y a la suya plegada a Zaragoza, Luisa Broto, Teresa Artigas, activistas, companyeras, companyers, y vecinas y vecins la recibimos frent a o Concello, dende an posteriorment s’acudió a un acto homenaje a Berta Cáceres en o Centro Joaquín Roncal y a o concierto de celebración d’a Caravana en o CC Universidat.
O domingo 26, a Plaza d’o Pilar se tiñó d’azul en a concentración por l’augua publica, convocada por a RAPA, en el qual participoron tanto una buena parte d’o movimiento ecolochista y vecinos/as afectaus y estafaus por l’ICA y o Plan de Saniamiento y Depuración, como una buena representación d’alcaldes y alcaldesas d’os 25 municipios firmantes d’o Manifiesto por l’Augua Publica, entre ells Pedro Santisteve, qui amás sinyó o libro d’a Caravana en a Plaza d’o Pilar, como colofón a o recorriu.
Frent a la privatización y a perda d’autonomía local, urge una chestión publica y participativa d’o ciclo integral de l’augua.