Qualificamos como grieu y paradigmatica d’o Partiu Popular a citación a declarar como testigo de Mariano Rajoy y a detención d’Ignacio González, ex president d’a Comunidat de Madrit y destacamos a importancia de complir correctament con os mecanismos de transparencia implementados en as institucions pa impedir a corrupción.
A citación de Mariano Rajoy a declarar como testigo en o Caso Gürtel, un d’os escándalos de corrupción politico-economica mas importants d’o zaguer decenio y a detención iste maitín de l’ex president d’a Comunidat de Madrit, Ignacio González, por emblanqueixco, financiación irregular, cohecho, prevaricación y fraude a l’administración, son feitos que luen d’estar casos aislaus constituyen l’autentico modus operandi d’a oligarquía economica en o Estau Espanyol y d’os suyos representants politicos.
Pa Maribel Martínez, una d’as nuestras portavoces, “a corrupción ye a sola forma que o PP conoixe de chestión en as administracions publicas”. Martínez ha qualificau o llamamiento a testificar d’o president d’o Gubierno como un feito “muit grieu” y adhibe que ye “una anomalía democratica” que no s’asuma garra tipo de responsabilidat politica.
a detención de l’ex president d’a Comunidat de Madrit, Ignacio González chunto a atras 11 personas, por o esvarro de fondos d’a interpresa publica Canal d’Isabel II, exiche colocar en o centro d’o debat a chestión d’uns servicios publicos puestos a la disposición de tramas corruptas que implican a grans interpresarios y a os politicos que los represientan.
Carlos López, o nuestro atro portavoz, ha afirmau que a Canal d’Isabel II “ye un caso paradigmatico d’o desprecio por lo publico que contrimuestra o Partiu Popular allí an chestiona”. Frent a la privatización y o maltrato a os servicios publicos, “a remunicipalización d’os servicios publicos y o control rigoroso de lo publico, son contrimostrando estar una alternativa eficaz pa acabar con o capitalismo d’amiguetes y a corrupción sistémica d’el qual se nutren os retz d’o Partiu Popular. Por ixo, o PP siempre será enfrentau a la recuperación d’os servicios publicos t’os vecins y vecinas”, adhibe López.
Precisament un d’os mecanismos creyaus pa impedir a corrupción en as administracions publicas ye a transparencia. Por ixo y en referencia a la información publicada iste maitín sobre o Concejal d’o PP de Zaragoza, Sebastián Contín, pa Maribel Martínez, resulta “fundamental” complir correctament con una d’as pocas ferramientas de transparencia que actualment son implementadas en as institucions, a declaración publica de bienes d’os cargos publicos. Ixes “olvidos” a la hora de consignar ingresos son qüestions muit serias ya que redundan en a desconfianza ent’os representants publicos, chusto en un momento en que a ejemplaridad ha d’estar escrupulosa.
Martínez tamién s’ha preguntau si, antes os casos de corrupción en el qual sigue implicado o Partiu Popular istes “son legitimados pa seguir gubernando en o estau u en comunidatz como Madrit u Murcia “. Por ixo, ha pediu una seria reflexión pa que Ciudadanos y Partiu Socialista no sigan propiciando gubiernos d’o PP ni un menuto mas.