Iste Primer de Mayo a clase treballadera tornará a conmemorar a las treballadoras asasinadas de Chicago y a suya huelga que sirvió pa aconseguir a chornada laboral de 8 horas fa ya 131 anyos. Una historica chornada de luita que encara hue tiene tot o sentiu d’o mundo y por ixo dende Zaragoza en Común nos sumamos a todas as movilizaciones convocadas en a nuestra ciudat en iste día.
Os poders economicos y as organizacions a o suyo servicio (FMI, BCE) tienen una calculada achenda de politicas neoliberals con o firme proposito que cada vez mas trozo d’a tarta sía acumulau en menos mans. Entre que istas institucions y as interpresas de comunicación esfienden ista achenda de retalles y privatizaciones, a clase treballadera sufre desemplego y precariedad a la vez que pierde dreitos y poder adquisitivo.
Pero o 1º de Mayo no ye una chornada de lamentaciones sino de luita, por ixo dende Zaragoza en Comuna emparamos as reivindicacions d’os sindicatos de clase y exichimos un millor reparto d’o treballo y d’a riqueza, con medidas como a reducción d’a chornada de treballo, l’incremento d’o SMI, a derogación de las reformas laborals de Rajoy y Zapatero u a eliminación d’as desgravaciones fiscals a las grans interpresas y fortunas.
Zaragoza en Común imos a seguir esfendendo a recuperación de dreitos d’os y as emplegadas publicas y l’autonomía local pa aprebar ofiertas d’emplego publico sin taxa de reposición. Amás imos a continar con a nuestra politica de revertir as privatizaciones de servicios publicos como a millor traza d’amillorar a suya calidat y de dignificar as condicions laborals. Tenemos muit claro que a mayor fuent de precariedad laboral en os servicios municipals se dir privatización y por ixo luitamos contra ella en a suya radiz. No en vano nuestra luita por a chestión directa d’os servicios publicos ha desligau una contraofensiva d’o poder economico que s’ha sacau a careta y ha meso a treballar a chueces, partius d’o rechimen y interpresas de comunicación en defensa d’a mercantilización d’os servicios publicos.
POR a REMUNICIPALIZACIÓN D’OS SERVICIOS PUBLICOS
VIVA O PRIMER DE MAYO
VIVA LA LUITA D’A CLASE TREBALLADERA