Iste maitín, os nuestros representants en a sociedat municipal Ecociudad, Pedro Santisteve como president, Teresa Artigas como vicepresidenta y Pablo Muñoz como consellero, han dau un truco dencima d’a mesa y han tomau a iniciativa pa meter fin a o bloqueo que PP, PSOE y Ciudadans, o tripartito d’a depuración, realizan sobre as politicas estratechicas respective a l’augua publica planteyadas por Zaragoza en Comuna.
Bella d’as decisions que han adoptau istes tres grupos contra o criterio de Zaragoza en Común han estau: a no remunicipalización d’a depuradora de l’Almozara y de la planta recuperadora d’auguas, a licitación, o conteniu y duración d’os pliegos d’ixes servicios y por tanto seguir con o suyo privatización, a oposición a introducir mecanismos de transparencia y participación, o bloqueo a investigar a chestión anterior u o bloqueo de substituir a un gerente nombrau por o PSOE y que non cuenta con a confianza de Zaragoza en Común.
Dau que ixes feitos fan quasi imposible l’adreza estratechica d’a sociedat conforme deseya Zaragoza en Común y dificulta a chestión diaria manimenos a confianza atorgada en o momento d’os nombramientos, s’ha ubierto un plazo d’un mes pa que qualsiquier consellero de qualsiquier grupo municipal faiga una propuesta de President,Vicepresidente y prochecto estratechico. Si i hese mayoría d’o consello que emparase ixa propuesta se levaría a cabo. Si por contra no i hai alternativa, se considerará que no i hai prochecto d’adreza y s’entenderá renovada a confianza a l’actual equipo de gubierno.
Asinas mesmo, s’ha proposau un decalogo de medidas pa una nueva Ecociudad sobre a chestión publica d’o ciclo integral de l’augua, privar o negocio de l’augua, a inversión en infrestructuras, o control d’as contratas, a participación y transparencia, mecanismos anticorrupción y un pacto por l’augua a largo plazo.
O decalogo ye o siguient:
10 PUNTOS T’A CHESTIÓN DE L’AUGUA Y PA UNA NUEVA ECOCIUDAD
L’augua y a suya chestión son hue un d’os prencipals debatz en toda a planeta. Cientos de ciudatz son tomando decisions sobre as suyas modelos d’abastecimiento y depuración, partindo de premisas como o control publico, a consideración d’estar un recurso estratechico y a sostenibilidad ambiental. Por ixo ye imprescindible marcar un horizonte a largo plazo y ir actuando a corto plazo pa recuperar o control publico de l’augua y guarenciar un uso sostenible a nivel ambiental, economico y social.
Pa ixo proposamos os siguients prencipios:
1º Chestión publica d’o ciclo integral de l’augua. Chestionar dende o propio Concello tanto l’abastecimiento y a potabilización como o saniamiento y a depuración de l’augua.
2º Privar o negocio de l’augua. Tal como marca a Directiva Europea Marco de l’Augua, l’augua no ye una mercadería ni ha d’estar aprofitada pa l’enriquecimiento. As taxas u imposaus habrán d’ir encaminaus exclusivament a o pago d’os costes d’os servicios relacionaus solament con l’augua. Tamién debe guarenciar l’acceso a l’augua de qualsiquier persona, con ferramientas como tarifas socials y progresivas.
3º Inversión publica en as infrastructuras de l’augua. Ye necesario que as inversions que s’empenten cumplan os criterios de racionalidad, eficiencia y sostenibilidad.
4º Control d’as contratas de depuración y saniamiento. Mientres parte d’os servicios s’ampren de traza externalizada, ye imprescindible intensificar o control sobre as interpresas privadas que lo chestionan.
5º Participación en a chestión publica de l’augua. Ye imprescindible incorporar a la ciudadanía en la toma de decisions estratechicas respective a la chestión de l’augua asinas como en a evaluación d’as politicas realizadas por medio de mecanismos de rendición de cuentas.
6º Mas claro, augua. Ye imprescindible incorporar mecanismos legals de transparencia en a chestión, encaminaus a que a ciudadanía dispose de toda a información.
7º Evitación d’errors y irregularidatz. As sociedatz mercantils pueden cometer irregularidatz y errors, por ixo ye necesario enchegar procedimientos pa aprevenir-los.
8º Responsabilidat social d’Ecociudad. A interpresa Ecociudad, como ente municipal, debe guarenciar l’emplego de calidat d’o suyo personal y veilar por el qual depende d’os suyos contratas.
9º Ecociudad, interpresa publica 2.0. Paralelament a que se rescata o servicio de depuración y saniamiento pa la chestión directa por o concello, cal planteyar alternativas pa que a experiencia d’a interpresa municipal pueda colaborar en a millora d’os servicios publicos.
10º Un pacto a largo plazo ta guarenciar os recursos estratechicos d’a ciudat. L’augua, como prencipal recurso estratechico d’una ciudat, debe estar sozmetida a un alcuerdo que vaiga dillá d’una lechislatura y que guarencie o control d’a mesma por parte d’os ciudadans.