Zaragoza en Común quiere sumar-se a todas as personas y colectivos que treballan y luitan por una Zaragoza mas inclusiva y menos intolerant con os diferents colectivos LGTTBIQ
Porque queremos una sociedat mas libre an se visibilice a diversidat y culgamos todas as personas en igualdat de condicions, sin discriminacions de garra tipo, ni tampoco por a nuestra orientación sexual u a nuestra identidat de chenero.
Dende Zaragoza en Común sabemos muit bien que a diversidat ye una riqueza social que hemos de preservar y guarenciar porque ye dende a diversidat social y politica dende an s’han teixiu alianzas ta acabar con muitos anyos nefastos de gubierno d’a dreita.
Sabemos que a no discriminación sigue estando una asignatura pendient y cal incidir en os diferents espacios de socialización pa acabar con a normalización d’a estigmatización y aconseguir realment una ciudat argüellosa d’estar diversa.
Hue y totz os días, se siguen producindo agresiones verbals, fisicas y psicolochicas por presentar diversidat afectivo sexual y mientres que, a identidat de chenero y expresión de chenero respecta, istas agresiones son delitos d’odeo y asinas se deben tractar. Queremos una ciudat libre de violencia masclista, en qualsiquiera d’as suyas manifestacions.
Hue seguimos exichindo a libre autodeterminación de chenero y acabar con a patologización d’as personas trans, especialment acazadas por meter en qüestión o sistema bigenero en el qual se fundamenta o sistema patriarcal.
Ye treballo de totz y todas acabar con a discriminación y con a violencia, guarenciar os dreitos y fomentar una sociedat argüellosa d’a suya diversidat. Dende a nuestra organización reiteramos o nuestro compromiso en iste sentiu.
Zaragoza en Común se suma a la convocatoria d’a Plataforma 28J y será en a carrera exichindo y fendo vistera la riqueza d’a diversidat y a necesidat d’actuar ta acabar con aquellas actitutz y accions que asasinan y acaban con a diversidat y a suya riqueza.
Iste 28J, ARGÜELLO Y DIVERSIDAT.
MANIFESTACIÓN MIERQUES 28 J 19h. PLAZA SANT FRANCISCO-PLAZA D’O PILAR.