Emparamos a os 10 chovens antifaixistas de Zaragoza encausados por oposar-se a un concierto nazi en marzo de 2015, debant d’o primer chudicio que enfrenta un d’ells iste luns 10 de chulio de 2017.
En marzo de 2015, un grupo de chovens antifaixistas estioron detenius y encausados por oposar-se a la celebración d’un concierto nazi en o zaragozano vico d’as Fuents. Actualment, enfrentan un chudicio en el qual a ueito d’os diez les piden ueito anyos de prisión. En total, mas de 66 anyos de garchola y arredol de 30.000 euros de responsabilidat civil, por protestar contra o racismo y o faixismo en a nuestra ciudat.
Hue se celebra o primer chudicio a un d’os “10 de Zaragoza”. O choven estió denunciau por un militante d’extrema dreita, protagonista d’una larga trayectoria d’altercados y agresiones, y solicita ta ell cinco anyos y seis meses de prisión, amás d’una pinyora d’1.440€ y una indemnización de 4.414,62. a Fiscalía pide dos anyos y meyo de prisión y una indemnización de 4.800€. a defensa, como l’asambleya d’emparo d’os “10” afirman que o choven no participó en la protesta.
Zaragoza en Común nos unimos a l’asambleya d’emparo d’os 10 chovens y a las organizacions politicas, socials, sindicals y vecinals que solicitan l’absolución d’o choven chudgau hue y d’os de demás 9 antifaixistas encausados.
Observamos con preocupación l’auge d’a extrema dreita en Europa. O racismo, a xenofobia y o discurso de l’odeo son actitutz que atentan contra os Dreitos Humans fundamentals, rompen a convivencia en as nuestras ciudatz y vicos y no han d’estar toleradas ni por a sociedat zaragozana, ni por as institucions.
Zaragoza ye una ciudat ubierta, acullidora y compromesa con a suya memoria democratica, por ixo emparamos a os 10 chovens encausados y a concentración de solidaridat, hue luns 10 de chulio a las 11:30 horas en a Ciudat d’a Chusticia, ta amostrar nuestro refuso absoluto a o racismo y a la xenofobia en a nuestra ciudat y os nuestros vicos.