Entre iste periodo de verano podretz veyer como se levan a cabo cientos de reparacions en os colechios publicos de toda la Ciudat. As actuacions han estau esleidas por diversos cauces: en primer puesto, son as peticions que as vecinas y vecins indicoron como prioridat en os presupuestos participativos. Tamién son as destinadas a amillorar a eficiencia enerchetica; que son belunas d’as accions que levamos a cabo dentro d’o Plan 20/20 (con el qual nos hemos comprometiu a reducir un 20% emisiones y CO2 dica l’anyo 2020), por zaguer son as destinadas a o mantenimiento correctivo extraordinario.
Istas actuacions y reparacions son tant variadas que van dende as remodelaciones de patios de recreo, reparación d’alcorques y plantación de vechetals, dica a millora de sistemas d’alumbrados y atras reparacions electricas, renovacions en as fusterías exteriors de puertas y finestras, sustitución de calderas de gas y contadors, que aduyarán a que istes edificios sían mas eficients; arreglos de fontanería y saniamiento en aseos, remodelación de gimnasios, refuerzos d’equipamientos esportivos, repintados de senyalizacions, cambeos de solado en minchadors y cocinas, instalar linias de vida, reparacions y accesos de tejados, sustituciones d’encletaus y un largo etc.
Un total de dos millons d’euros en bella cosa tant basica como os equipamientos d’a ciudat. Pero a la vez, tot un gran esfuerzo en una chestión que cal levar a cabo con meticulosidad y simultaniament en totz os centros, ya que totz han d’estar en perfectas condicions antes que finalice o periodo estival de vacancias.