Fa uns menutos, en a Comisión d’Economía y Cultura, s’ha aconseguiu l’aprobación de totz os grupos menos o PP pa modificar o destín d’o remanente de l’anyo pasau o que implica a salida d’o plan d’achuste que Fernando Gimeno nos ficó en 2012 y que nos sozmeteba a o control d’o Ministerio de Ficienda de Montoro.
Amás, a buena chestión de tot l’equipo economico d’o concello, con Fernando Rivarés a la cabeza, aconsigue que ixa salida se faiga 5 anyos antes de lo previsto (l’anyo 2022).
En a practica, salir d’o plan d’achuste suposa sacar-nos o yugo d’a intervención d’o Ministerio de Ficienda y permitirá poder contratar a funcionarios que se van chubilando, acometer mayors inversions u acceder a atras fuents de financiación que as actuals entre atros aspectos.
O saniamiento d’as cuentas d’a ciudat, atendendo a las personas mas amenestidas y sin puyar imposaus a qui menos tienen y sí a ixe 10% mas rico d’a ciudat ye una d’as prioridatz economicas d’o gubierno de Zaragoza en Común.
A aquells que día a día nos dicen que no sabemos chestionar, recordar-les que ya finalizamos 2016 presentando un balance economico muit positivo, con una reducción d’a deuda por baixo d’os limites d’o que marca a Lei Montoro deixando-la en un 108% dimpués de trobar-la en un 124%, habendo pagau quasi 80 millons d’euros un montón de sentencias que nos trobamos, reduciu en 25 millons as facturas pendients a proveedores u amortizando en mas de 100 millons a deuda financiera antes de metat de lechislatura.