Imachen de Caminando Buegas
Zaragoza en Común nos solidarizamos y expresamos tot nuestro emparo a Helena Maleno, investigadera y activista por os dreitos d’as personas migrants y integrante d’a ONG Caminando Buegas, dimpués de las menazas y ataques recibius en denunciar publicament a zaguera actuación policial en Ceuta.
Zaragoza en Común s’ha adhibiu a o comunicau #DefenderAQuienDefende emitiu por o colectivo Caminando Buegas, pa denunciar as constants menazas a el qual se veye sozmetida a suya actividat por os dreitos d’as personas migrants, especialment en a Buega Sud espanyola, agravadas en os zaguers días por las menazas a o suyo integrante Helena Maleno a resultas d’unas declaracions publicas en el qual Maleno cuestionaba a versión oficial respective a una d’as zagueras actuacions policials en Tarajal, Ceuta, an a policía intentó frenar a patadas y porrazos a dentrada de 187 personas.
A campanya d’acoso orquestada contra Maleno s’ha visto recrudecida y intensificada en os zaguers días por menazas telefonicas y en os retz socials, que meten en periglo a suya vida y integridat fisica y sexual. Manimenos, por o suyo treballo de denuncia en a Buega Sud, Maleno ha estau obchecto d’intimidaciones y d’una agresión en l’anyo 2014 en Marruecos.
Carlos López, portavoz de Zaragoza en Común, sinyala l’emparo de ZeC a la “incansable y necesaria labor que Caminando Buegas leva desempeñando dende l’anyo 2002 pa emparar, visibilizar, sensibilizar y denunciar a situación d’os retz migrants en o norte d’África y a vulneración d’os Dreitos Humans en a Buega Sud”.
Maribel Martínez, coportavoz de Zaragoza en Común, sinyala amás a “gravedad” de las menazas fisicas y sexuals a Helena Maleno, “por a suya condición de muller activista”. Un feito que no ye aislau, “precisament -afirma Martínez- porque ella y Caminando Buegas han denunciau en multitut d’ocasions as violencias exercidas sobre as mullers porteadoras en totz dos costaus d’a buega”.
Zaragoza en Común s’adhibe asinas a la denuncia publica d’Helena Maleno -emparada por multitut de colectivos y por activistas igualment menazaus-, porque o racismo, a violencia cutiana sobre as personas migrants que fuyen de situacions extremas y las menazas a qui defienden os Dreitos Humans no han de tener garra tipo de cullida u tolerancia en una sociedat democratica.