Zaragoza en Común felicita as Fiestas d’o Pilar a totz os vecins, vecinas y a las personas que istes días visitan Zaragoza pa desfrutar d’os Pilars y conoixer a ciudat.
En unas semanas marcadas por a tensión y a crispación, ZeC mete en valor o esprito alegre y respectuoso marcau dende l’encieto d’as fiestas en o pregón. Maribel Martínez, portavoz de Zaragoza en Común, destaca que “o mensache de paz, igualdat y respecto, metendo en valor Aragón, ye un mensache que interpeló a la sociedat zaragozana en un momento en el qual a dreita ye intentando tensar y enrarecer l’ambient”.
Un mensache y un esprito que ZeC quiere extender a todas as fiestas, uns Pilars alegres, festivos, reivindicativos y sobre tot, respectuosos. “Animamos a todas as personas a divertir-se, participar en as actividatz programadas, desfrutar en os conciertos y espectáculos mosicals, compartir l’ocio en familia u con seres quiestos, animamos a participar d’os espacios festivos y reivindicativos d’os colectivos y organizacions socials y a fer eco d’a campanya No ye No contra as agresiones sexistas”, ha afirmau Martínez.
As Fiestas d’o Pilar son os días grans d’a nuestra ciudat, una Zaragoza acullidora y vibrant, an no debe haber garra espacio pa l’intolerancia, l’odeo u os comportamientos mascistas. “Un esprito que nos debe aplegar istes días, pero tamién extender a la resta de l’anyo”, afirma Carlos López, coportavoz de Zaragoza en Común. Pa López, “as diversas gritadas a l’enfrentamiento que s’han viviu en a ciudat en as zagueras semanas, no pueden empavonar o caracter ubierto y tolerant d’a sociedat zaragozana”.